കാ​സ​ർ​കോ​ട്​ ടൗണിൽ കടകളുടെ ചുമരുതുരന്ന്​ കവർച്ച, പിന്നിൽ പ്രഫഷണൽ സംഘം. രാത്രികാല പട്രോളിങ് വർധിപ്പിക്കാൻ നിർദ്ദേശിച്ച് ഡിവൈഎസ് പി ബാലകൃഷ്ണൻ

കാ​സ​ർ​കോ​ട്​ ടൗണിൽ കടകളുടെ ചുമരുതുരന്ന്​ കവർച്ച, പിന്നിൽ പ്രഫഷണൽ സംഘം. രാത്രികാല പട്രോളിങ് വർധിപ്പിക്കാൻ നിർദ്ദേശിച്ച് ഡിവൈഎസ് പി ബാലകൃഷ്ണൻ

കാ​സ​ർ​കോ​ട്: ന​ഗ​ര​ത്തി​ൽ പഴയ ബസ് സ്റ്റാൻഡിൽ ക​ട​ക​ളു​ടെ ചു​മ​രു​തു​ര​ന്ന്​ ക​വ​ർ​ച്ച. ര​ണ്ട് ക​ട​ക​ളി​ൽ നി​ന്ന് പ​ണം ക​വ​ർ​ന്നു. എം.​ജി റോ​ഡി​ലെ താ​ഹി​റ മെ​ഡി​ക്ക​ൽ ഷോ​പ്, കെ.​ആ​ർ പ​ഴം-​പ​ച്ച​ക്ക​റി ക​ട​യി​ലു​മാ​ണ് മോ​ഷ​ണം ന​ട​ന്ന​ത്. ഇതിൻറെ പിന്നിൽ പ്രൊഫഷണൽ സംഘങ്ങളാണെന്നാണ് പോലീസ് സംശയിക്കുന്നത്.

മെ​ഡി​ക്ക​ൽ ഷോ​പ്പി​ലെ മേ​ശ​വ​ലി​പ്പി​ൽ സൂ​ക്ഷി​ച്ച 52,700 രൂ​പ​യും പ​ച്ച​ക്ക​റി ക​ട​യി​ലെ മേ​ശ​വ​ലി​പ്പി​ൽ സൂ​ക്ഷി​ച്ച 6000 രൂ​പ​യു​മാ​ണ് ക​വ​ർ​ന്ന​ത്.

ശ​നി​യാ​ഴ്‌​ച രാ​വി​ലെ ക​ട​യി​ൽ എ​ത്തി​യ ജീ​വ​ന​ക്കാ​ർ ഷ​ട്ട​ർ തു​റ​ന്ന​പ്പോ​ഴാ​ണ് വി​വ​രം അ​റി​യു​ന്ന​ത്. പി​റ​കു​വ​ശ​ത്തെ ചു​മ​ര് തു​ര​ന്ന നി​ല​യി​ൽ ക​ണ്ട​തോ​ടെ വി​വ​രം പൊ​ലീ​സി​നെ അ​റി​യി​ക്കു​ക​യാ​യി​രു​ന്നു. ഈ ​ഭാ​ഗ​ത്ത് സി.​സി.​ടി.​വി കാ​മ​റ​ക​ൾ ഇ​ല്ലെ​ന്ന് പൊ​ലീ​സ് അ​റി​യി​ച്ചു. അതേസമയം കൊള്ളസംഘത്തെ എത്രയും പെട്ടെന്ന് പിടികൂടുമെന്ന് കാസർകോട് ടൌൺ പോലീസ് സ്റ്റേഷൻ ഐ പി രാജേഷ് വ്യക്തമാക്കി. മാത്രമല്ല കാസർകോട് നഗരത്തിലും പരിസരപ്രദേശങ്ങളിലും പോലീസ് പട്രോളിംഗ് ശക്തമാക്കാനും ഡിവൈഎസ്പി പി ബാലകൃഷ്ണൻ നിർദ്ദേശിച്ചു.