നീറ്റ് ഫലം ഇന്ന് പ്രസിദ്ധീകരിക്കും, പരീക്ഷ എഴുതിയത് 14.37ലക്ഷം പേർ
ന്യൂഡൽഹി: ദേശീയ മെഡിക്കൽപ്രവേശന പരീക്ഷയായ നീറ്റിന്റെ ഫലം ഇന്ന് പ്രഖ്യാപിക്കും. 14.37ലക്ഷം വിദ്യാർത്ഥികളാണ് ഇത്തവണ പരീക്ഷ എഴുതിയത്. ഒക്ടോബർ 12ന് ഫലം പ്രഖ്യാപിക്കാനായിരുന്നു ആദ്യം തീരുമാനിച്ചത്. എന്നാൽ കൊവിഡ് മൂലം പരീക്ഷ എഴുതാൻ കഴിയാത്തവർക്ക് ഒരവസരം കൂടി നൽകാൻ സുപ്രീംകോടതി നിർദ്ദേശിക്കുകയായിരുന്നു. ഇതേത്തുടർന്ന് 14ന് വീണ്ടും പരീക്ഷ എഴുതാൻ അവസരം നൽകുകയായിരുന്നു.ഫലപ്രഖ്യാപനം ഉൾപ്പെടെയുള്ള വിശദവിവരങ്ങൾ nta.ac.in, ntaneet.nic.in എന്നീവെബ്സൈറ്റിൽ ലഭ്യമാകും.നീറ്റ് ഫലത്തോടൊപ്പം മെഡിക്കൽ അഖിലേന്ത്യാ ക്വാട്ടാ ലിസ്റ്റും എൻ ടി എ പ്രസിദ്ധീകരിച്ചേക്കും.
