മകന്‍ വാങ്ങിവച്ച മദ്യം എടുത്തു, തര്‍ക്കത്തിനൊടുവില്‍ മകന്റെ വെട്ടേറ്റ് പിതാവ് മരിച്ചു
കൊച്ചി: കൊച്ചി ചേരാനെല്ലൂരില്‍ മകന്റെ വെട്ടേറ്റ് പിതാവ് മരിച്ചു. വിഷ്ണുപുരം സ്വദേശി ഭരതന്‍ ആണ് മരിച്ചത്.മകന്‍ വിഷ്ണു വാങ്ങിവച്ച മദ്യം അച്ഛന്‍ എടുത്തതിനെ ചൊല്ലിയുള്ള തര്‍ക്കത്തില്‍ പരസ്പരം വെട്ടുകയായിരുന്നു.തലയ്ക്ക് പരിക്കേറ്റ വിഷ്ണു കൊച്ചിയിലെ സ്വകാര്യ ആശുപത്രിയില്‍ ചികിത്സയിലാണ്.ഇന്നലെ വൈകിട്ടായിരുന്നു സംഭവം.ഇന്ന് രാവിലെയാണ് ഭരതന്‍ മരിച്ചത്. ചേരാനെല്ലൂര്‍ പൊലീസ് കേസെടുത്തു
