കാറില്‍ കഞ്ചാവ് കടത്തുന്നതിനിടെ കുപ്രസിദ്ധ കുറ്റവാളി കാരാട്ട് നൗഷാദും തളങ്കര ശംസുദ്ധീനും പോലീസിന്റെ പിടിയിൽ നൗഷാദിനെ പിടിച്ചത് തൊഴിലുറപ്പ് തൊഴിലാളി സ്ത്രീകൾ
നീലേശ്വരം :കഞ്ചാവ് കടത്തിനിടെ കുപ്രസിദ്ധ ക്രിമിനൽ കാരാട്ട് നൗഷാദും കൂട്ടാളി തളങ്കര ശംസുദ്ധീനും പിടിയിലായി. കാറില്‍ കഞ്ചാവുമായി ചീമേനിയില്‍ നിന്ന് വരികയായിരുന്ന ഇരുവരെയും പള്ളിക്കരയില്‍ വച്ചാണ് പിടികൂടിയത്. തളങ്കരയിലെ ഷംസുദ്ദീനാണ് കൂടെയുണ്ടായിരുന്നതെന്ന് പോലീസ് അറിയിച്ചു. നീലേശ്വരം പോലീസും നാട്ടുകാരും ചേര്‍ന്ന് തടഞ്ഞപ്പോള്‍ കുതറിയോടിയ നൗഷാദിനെ തൊഴിലുറപ്പു തൊഴിലാളികളായ സ്ത്രീകളാണ് പിടികൂടിയത്.
കാറില്‍ 10 കിലോയോളം കഞ്ചാവ് ഉണ്ടായിരുന്നതായാണ് വിവരം. ഇരുവരെയും നീലേശ്വരം പോലീസ് സ്റ്റേഷനിലെത്തിച്ചു. കാഞ്ഞങ്ങാട് നയാബസാറിലെ ഹെയര്‍ കട്ടിങ്ങ് സലൂണ്‍ അടിച്ചു തകര്‍ത്തതിന് നൗഷാദിനെ ദിവസങ്ങള്‍ക്ക് മുന്‍പാണ് നാട്ടുകാരുടെ സഹായത്തോടെ ഹൊസ്ദുര്‍ഗ് പോലീസ് കീഴ്‌പ്പെടുത്തി പിടികൂടിയത്.
