തിരുവനന്തപുരത്ത് വന്‍ ലഹരിമരുന്ന് വേട്ടനാല് കോടി രൂപയുടെ ലഹരി വസ്തുക്കള്‍ പിടിച്ചു നാല് പേര്‍ അറസ്റ്റില്‍
തിരുവനന്തപുരം: തിരുവനന്തപുരത്ത് വന്‍ ലഹരിമരുന്ന് വേട്ട. കിളിമാനൂരിന് സമീപം നഗരൂരില്‍ നടത്തിയ പരിശോധനയില്‍ 100 കിലോ കഞ്ചാവും നാല് കിലോ ഹാഷിഷ് ഓയിലും എക്‌സൈസ് പ്രത്യേക സംഘം പിടികൂടി. നാല് പേര്‍ അറസ്റ്റിലായി. തിരുവനന്തപുരം ആലങ്കോട് സ്വദേശികളായ റിയാസ്, ജസീം, തൃശൂര്‍ സ്വദേശി ഫൈസല്‍, കോന്നി സ്വദേശി നിയാസ് എന്നിവരാണ് പിടിയിലായത്. നാലുകോടിയോളം വിലവരുന്ന ലഹരി വസ്തുക്കളാണ് ഇവരില്‍ നിന്നും പിടികൂടിയത്.
എക്‌സൈസ് സിഐ അനില്‍കുമാറിന്റെ നേതൃത്വത്തിലുള്ള എന്‍ഫോഴ്‌സ്‌മെന്റ് സ്‌ക്വാഡാണ് പരിശോധന നടത്തിയത്. നാല് പേര്‍ ചേര്‍ന്ന് രണ്ട് വാഹനങ്ങളിലായി 100 കിലോ കഞ്ചാവും മൂന്ന് പാക്കറ്റിലായി ഹാഷിഷ് ഓയിലും കടത്തുകയായിരുന്നു. പ്രതികളുടെ മറ്റ് ബന്ധങ്ങളും അന്വേഷിക്കുകയാണ്.
