കെഎസ്ആര്‍ടിസി ബസുകള്‍ കടകളാക്കാം; 5 വര്‍ഷത്തേക്കു വാടകയ്ക്ക് കിട്ടും
ആലപ്പുഴ:കെഎസ്ആര്‍ടിസിയുടെ ഉപയോഗശൂന്യമായ ബസുകള്‍
കടകളാക്കുന്ന ബസ് ഷോപ് പദ്ധതി ജില്ലയില്‍ ആദ്യമായി അമ്പലപ്പുഴയില്‍
അമ്പലപ്പുഴ ഡിപ്പോയില്‍ സ്വന്തമായുള്ള സ്ഥലവും സൗകര്യങ്ങളും ഇതിനായി
പ്രയോജനപ്പെടുത്തും. ഉപയോഗ ശൂന്യമായ ബസ് കെഎസ്ആര്‍ടിസി
ഷോപ്പിന്റെ മാതൃകയില്‍ നിര്‍മിച്ചുനല്‍കും. ഒരു ബസ് ഷോപ്പാക്കി മാറ്റാന്‍ 2 ലക്ഷത്തോളം രൂപ ചെലവാകുമെന്ന് അധികൃതര്‍ പറഞ്ഞു.
ലേലത്തില്‍ പിടിക്കുന്ന വ്യക്തികള്‍ക്കു ഷോപ് ബസ് 5 വര്‍ഷത്തേക്കു
വാടകയ്ക്ക് നല്‍കും. കാലാവധി കഴിഞ്ഞ ഒരു ബസ് ആക്രിക്കാരനു വിറ്റാല്‍
കിട്ടുന്നത് 1.5 ലക്ഷം രൂപയാണ്. ഷോപ് ബസിനു 5 വര്‍ഷത്തെ വാടക മാത്രം
12 ലക്ഷം രൂപ ലഭിക്കും. ഷോപ് ബസ് 5 വര്‍ഷത്തിനു ശേഷവും ഉപയോഗിക്കാമെന്ന് എടിഒ വി.അശോക്കുമാര്‍ പറഞ്ഞു
