ക്വാറികളുടെ ദൂരപരിധി ഉയർത്തിയുള്ള ഹരിത ട്രൈബ്യൂണല് ഉത്തരവിന് ഹൈക്കോടതിയുടെ സ്റ്റേ
കൊച്ചി: സംസ്ഥാനത്തെ ക്വാറികളുടെ ദൂരപരിധി 200 മീറ്ററാക്കിയ ഹരിത ട്രൈബ്യൂണല് ഉത്തരവ് ഹൈക്കോടതി സ്റ്റേ ചെയ്തു. പാലക്കാട് ജില്ലയിലെ ഒരു പരാതി പരിഗണിച്ചുകൊണ്ടായിരുന്നു സംസ്ഥാനത്തെ ക്വാറികള്ക്ക് 200 മീറ്റര് ദൂരപരിധി നിശ്ചയിച്ചുകൊണ്ട് ഹരിത ട്രൈബ്യൂണല് ഉത്തരവിട്ടത്.ഇക്കാര്യങ്ങൾ ചോദ്യം ചെയ്ത് പാറമട ഉടമകളാണ് ഹൈക്കോടതിയെ സമീപിച്ചത്. പരിസ്ഥിതി വകുപ്പിനെ മാത്രം കേട്ടുകൊണ്ടാണ് ഹരിത ട്രൈബ്യൂണല് തീരുമാനമെടുത്തത് എന്നായിരുന്നു പാറമട ഉടമകൾ ആരോപിച്ചിരുന്നത്.50 മീറ്ററാണ് സംസ്ഥാനത്തെ പാറമടകള്ക്ക് സര്ക്കാര് നിശ്ചയിച്ചിരുന്ന ദൂരപരിധി. ഇത് 200 മീറ്ററിലേക്ക് മാറിയാല് സംസ്ഥാനത്തെ 95 ശതമാനം പാറമടകളും പൂട്ടിപ്പോകുമായിരുന്നു. ഹൈക്കോടതി ഉത്തരവോടെ നിലവിലുണ്ടായ രീതിയില് തന്നെ പാറമടകള്ക്ക് പ്രവര്ത്തിക്കാന് സാധിക്കും.ഹരിത ട്രെെബ്യൂണലിന്റെ ഉത്തരവ് സർക്കാരിന്റെ അഭിപ്രായം ചോദിച്ച ശേഷമല്ലെന്നും സർക്കാരിന്റെ സമിതികൾ പഠിച്ച ശേഷമാണ് 50 മീറ്റർ ദൂരപരിധി ഉത്തരവ് നിശ്ചയിച്ചത് തുടങ്ങിയ കാര്യങ്ങളാണ് സർക്കാരിന് വേണ്ടി അഡീഷണൽ അഡ്വക്കറ്റ് ജനറൽ രഞ്ജിത്ത് ഹൈക്കോടതിയെ അറിയിച്ചത്. ഹരിത ട്രൈബ്യൂണലിന്റെ ഉത്തരവിനെതിരെ സംസ്ഥാന സർക്കാർ കോടതിയെ സമീപിക്കുമെന്നും അഡീഷണൽ അഡ്വക്കേറ്റ് ജനറൽ ഹൈക്കോടതിയെ അറിയിച്ചിട്ടുണ്ട്.