കൊച്ചി : ആഗസ്ത് ഒന്നുമുതൽ സംസ്ഥാനത്ത് സ്വകാര്യ ബസ് സർവീസ് നിർത്തിവയ്‌‌ക്കുമെന്ന് ബസ് ഉടമ സംയുക്തസമിതി. കോവിഡ് പ്രതിസന്ധിയുടെ ഭാഗമായി ബസ് ചാർജ് വർധിപ്പിച്ചെങ്കിലും ഭൂരിഭാഗം ബസുകളും നിരത്തിലിറക്കിയില്ല. സർവീസ് നടത്തുന്ന ബസുകൾ കടുത്ത സാമ്പത്തികനഷ്ടത്തിലാണ്.
കോവിഡ് ഭീതിയിൽ ജനങ്ങൾ പൊതുഗതാഗതം ഉപയോഗിക്കാൻ മടിക്കുകയാണ്. രോഗവ്യാപനം കൂടുന്നതും തുടർച്ചയായി ഇന്ധനവില കൂട്ടിയതും ഈ മേഖലയുടെ തകർച്ചയ്ക്ക് കാരണമാകുന്നുണ്ട്. നാലും അഞ്ചും യാത്രക്കാരുമായി സർവീസ് നടത്തുന്നത് അസാധ്യമാണ്.
അതുകൊണ്ട് നഷ്ടം സഹിച്ച് മുന്നോട്ടുപോകാനാകില്ലെന്ന് ബസ് ഉടമ സംയുക്തസമിതി ചെയർമാൻ ലോറൻസ് ബാബു, ജനറൽ സെക്രട്ടറി ടി ഗോപിനാഥൻ എന്നിവർ പറഞ്ഞു.
