തിരുവനന്തപുരം: സമ്പ‌ർക്കത്തിലൂടെ രോഗബാധ കൂടുന്ന സാഹചര്യത്തിൽ നാലു ജില്ലകളില്‍ അതീവജാഗ്രത പുലര്‍ത്താന്‍ ആരോഗ്യവകുപ്പിന്റെ നിര്‍ദേശം. ആലപ്പുഴ, തൃശൂര്‍, പാലക്കാട്, കണ്ണൂര്‍ ജില്ലകളില്‍ പ്രത്യേക ജാഗ്രത വേണമെന്നാണ് മുന്നറിയിപ്പ്. ഇവിടങ്ങളില്‍ കൂടുതല്‍ ക്ലസ്റ്ററുകള്‍ രൂപപ്പെടാന്‍ സാദ്ധ്യതയുണ്ടെന്നാണ് ആരോഗ്യ വകുപ്പ് വ്യക്തമാക്കുന്നത്.ഇതുവരെ സംസ്ഥാനത്ത് 51 ക്ലസ്റ്ററുകള്‍ രൂപപ്പെട്ടെന്നും ആരോഗ്യവകുപ്പ് വ്യക്തമാക്കി. കടലോര മേഖലകള്‍, ആളുകള്‍ തിങ്ങിപ്പാര്‍ക്കുന്ന മേഖലകള്‍, ആലപ്പുഴ ഐ ടി ബി പി ക്യാമ്പ്, കണ്ണൂര്‍ സി ഐ എസ് എഫ്, ഡി എസ് സി ക്യാമ്പുകള്‍ തുടങ്ങിയ ഇടങ്ങളില്‍ മുന്‍കരുതല്‍ നടപടികള്‍ ശക്തമാക്കണമെന്നാണ് പ്രധാന നിര്‍ദേശം. സമ്പര്‍ക്കത്തിലൂടെ കൊവിഡ് പടര്‍ന്ന് കൂടുതല്‍ ക്ലസ്റ്ററുകള്‍ രൂപപ്പെടാമെന്നാണ് ആരോഗ്യ വകുപ്പിന്റെ വിലയിരുത്തല്‍.
സമ്പർക്ക രോഗബാധ കൂടുന്നു, സംസ്ഥാനത്ത് കൂടുതൽ ക്ലസ്റ്ററുകൾക്ക് സാദ്ധ്യത, നാല് ജില്ലകളിൽ അതീവ ജാഗ്രതാ മുന്നറിയിപ്പ്
Previous Post
