കാസര്കോട് : ദുരിതങ്ങള് ചൂണ്ടിക്കാട്ടി കോഴി വ്യാപാരികള് കലക്ടര്ക്ക് നിവേദനം നല്കി. കോഴിയുടെ വില ഇന്ത്യ ഒട്ടാകെ നിശ്ചയിയിക്കുന്നത് ബ്രോയിലര് കോര്ഡിനേഷന് കമ്മിറ്റിയാണന്നും . അതുകൊണ്ടുതന്നെ കേരളത്തില് മാത്രം ഒരു നിശ്ചിത വിലയില് വില്പന നടത്തുന്നത് ബുദ്ധിമുട്ടാണെന്ന് വ്യാപാരികള് പറയുന്നു . കോറോണോ വൈറസിന്റെ പശ്ചാത്തലത്തില് മാര്ച്ച് മാസത്തില് ഫാമുകളില് നിന്നും കിലോവിന് 15 രൂപവരെ നിരക്കില് വിറ്റഴിക്കേണ്ട സാഹചര്യം ഉണ്ടായതിനാല് കോഴിക്കര്ഷകര് ഉത്പാദനം നിര്ത്തിപ്പോകേണ്ടിവന്ന സാഹചര്യമുണ്ടായിരുന്നു. ഇയ്യ് സമയം 30 -40 രൂപയ്ക്ക് വില്പന നടത്തിയിരുന്നു , ഫാമുകൾ നൽകുന്ന വിലയിൽ നിന്നും തുച്ഛമായ പ്രവർത്തന ചിലവ് മാത്രം ഇടക്കിയാണ് ഇപ്പോൾ കടകൾ മുന്നോട് കൊണ്ട് പോകുന്നത് , കേരളത്തില് ഇപ്പോള് വില്ക്കപ്പെടുന്ന കോഴിയുടെ 80 ശതമാനവും അന്യ സംസ്ഥാനത്തു നിന്നുവരുന്നതാണ്. കര്ണാടകയില് നിന്നും നിശ്ചിത വിലക്ക് ഇവിടെ എത്തുമ്പോള് ആകെ തൂക്കത്തിന്റെ ഏഴുശതമാനം തൂക്കകുറവ് സംഭവി ക്കുക സ്വാഭാവികമാണ്. കൂടാതെ വണ്ടികൂലി വകയില് ഒരു കിലോക്ക് ശരാശരി നാല് രൂപ, കയറ്റുകൂലി ഒരു രൂപ, ലാഭം ഒരു രൂപ ഇത്രയും തുക ഈടാക്കിയതിനുശേഷമാണ് കച്ചവടക്കാര്ക്ക് വിതരണം ചെയുന്നതെന്നും വ്യപാരികൾ പറയുന്നു . അതേസമയം കോഴിക്ക 145 രൂപ മാത്രമേ ഈടാക്കാവുന്നെ ജില്ലാ ഭരണകൂടത്തിന്റെ നിര്ദ്ദേശം ലംഘിച്ചു . 170 രൂപവരെ പല ചിക്കന് കടകളും ഈടാക്കിയിരുന്നു . അമിത വില ഈടാക്കിയതിന് 44 ഓളം കടകള്ക്കെതിരെ ജില്ലാ ഭരണകൂടം നടപടി സ്വീകരിച്ചിട്ടുണ്ട്. 5,000 രൂപയ്ക്കും അതിന് മുകളിലും പിഴച്ചുമത്താനാണ് തീരുമാനം