സംസ്ഥാനത്ത് പുതുതായി 67 പേര്ക്ക് കൊവിഡ്; സ്ഥിതി ആശങ്കാജനകം
തിരുവനന്തപുരം: സംസ്ഥാനത്ത് ഇന്ന് പുതുതായി 67 പേര്ക്ക് കൊവിഡ് സ്ഥിരീകരിച്ചെന്ന് മുഖ്യമന്ത്രി പിണറായി വിജയന്. കൊവിഡ് അവലോകനത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
പാലക്കാട് 29, കണ്ണൂർ 8, കോട്ടയം ആറ്, മലപ്പുറം എറണാകുളം അഞ്ച് വീതം, തൃശ്ശൂർ കൊല്ലം നാല് വീതം, കാസർകോട് ആലപ്പുഴ മൂന്ന് വീതവുമാണ് പോസിറ്റീവ് ആയവരുടെ എണ്ണം.
രോഗം ബാധിച്ചവരില് 27 പേർ വിദേശത്ത് നിന്ന് വന്നതാണ്. തമിഴ്നാട് ഒൻപത്, മഹാരാഷ്ട്ര 15, ഗുജറാത്ത് അഞ്ച്, കർണാടക രണ്ട്, പോണ്ടിച്ചേരി, ദില്ലി ഒന്ന് വീതം. സമ്പർക്കം മൂലം ഏഴ് പേർക്കും രോഗം പിടിപെട്ടു.
963 പേർക്ക് ഇതുവരെ രോഗം സ്ഥിരീകരിച്ചു. 415 പേർ ചികിത്സയിൽ. നിരീക്ഷണത്തിലുള്ളത് 104333 പേർ. 103528 പേർ വീടുകളിലോ സർക്കാർ കേന്ദ്രങ്ങലിലോ ആണ്. 808 പേർ ആശുപത്രികളിൽ.
ഇന്ന് പത്ത് പേര്ക്ക് രോഗം ഭേദമായി
കാസർകോട് ജില്ലയില് മൂന്ന് പേര്ക്കു കൂടി കോവിഡ് 19 സ്ഥിരീകരിച്ചു. മഹാരാഷ്ട്രയില് നിന്ന് വന്ന മധൂര് സ്വദേശികളായ രണ്ടു പേര്ക്കും ഗള്ഫില് നിന്ന് വന്ന മടിക്കൈ സ്വദേശിയ്ക്കുമാണ് രോഗം സ്ഥിരീകരിച്ചത്. മെയ് 19 ന് ഖത്തറില് നിന്ന് കണ്ണൂര് വിമാനത്താവളത്തില് വന്നിറങ്ങിയ
38 വയസ്സുള്ള മടിക്കൈ സ്വദേശിയാണ് ഇദ്ദേഹം.ഗള്ഫില് നിന്ന് വന്നത് മുതല് കാഞ്ഞങ്ങാട് സര്ക്കാര് ക്വാറന്റിനിലായിരുന്നു. കോവിഡ് 19 സ്ഥിരീകരിച്ചതോടെ ഇദ്ദേഹത്തെ ഉക്കിനടുക്ക ഗവ.മെഡിക്കല് കോളേജ് ആശുപത്രിയിലേക്ക് മാറ്റുമെന്ന് ജില്ലാ മെഡിക്കല് ഓഫീസര് (ഹെല്ത്ത്) ഡോ.എം.വി.രാംദാസ് അറിയിച്ചു.
മധുര് സ്വദേശികള് മേയ് 22 ന് മുംബൈയില് നിന്ന് ബസില് വന്ന് മേയ് 23 ന് തലപാടിയിലെത്തിയ യുവ ദമ്പതികളാണ്. (28 വയസ്സുള്ള പുരുഷനും 25 വയസ്സുള്ള സ്ത്രീയും) രോഗലക്ഷണങ്ങള് പ്രകടമായതിനാല് ഇരുവരേയും 23 ന് തന്നെ കാസര്കോട് ജനറല് ആശുപത്രിയില് പ്രവേശിപ്പിച്ചു. സ്രവ പരിശോധനയില് വൈറസ് ബാധ സ്ഥിരീകരിച്ചതിനാല് ജനറല് ആശുപത്രിയില് ഇവര് ചികിത്സ തുടരും.
കോ വിഡ് സ്ഥിരീകരിച്ച് ഉക്കിനടുക്കയിൽ ചികിത്സയിലായിരുന്ന 51 വയസുള്ള പൈവളികെ സ്വദേശിയും 49 വയസുള്ള കുമ്പള സ്വദേശിയുമാണ് രോഗമുക്തി നേടിയത്