ലോക്ക് ഡൗണ്‍ നിര്‍ദ്ദേശ ലംഘനം: ജില്ലയില്‍ 53 കേസുകള്‍ രജിസ്റ്റര്‍ ചെയ്തു
കാസർകോട് : ലോക്ക് ഡൗണ്‍ നിര്‍ദ്ദേശം ലംഘിച്ചതിന് ജില്ലയില്‍ ഏപ്രില്‍ 26 ന് 53 കേസുകള്‍ രജിസ്റ്റര്‍ ചെയ്തു. മഞ്ചേശ്വരം-6, കുമ്പള-2, ചന്തേര-2, വെള്ളരിക്കുണ്ട്-2, അദൂര്‍-2, വിദ്യാനഗര്‍-10, ബദിയടുക്ക-2, കാസര്‍കോട്-5, ഹോസ്ദുര്‍ഗ്- 2, ചിറ്റാരിക്കാല്‍-4, ബേഡകം-6, മേല്‍പ്പറമ്പ-6, നീലേശ്വരം-2, അമ്പലത്തറ-2 എന്നീ സ്റ്റേഷനുകളിലാണ് കേസുകള്‍ രജിസ്റ്റര്‍ ചെയ്തത്. വിവിധ കേസുകളിലായി 66 പേരെ അറസ്റ്റ് ചെയ്തു. 24 വാഹനങ്ങള്‍ കസ്റ്റഡിയില്‍ എടുത്തു.
ഇതുവരെ ജില്ലയില്‍ വിവിധ സ്റ്റേഷനുകളിലായി 1862 കേസുകള്‍ രജിസ്റ്റര്‍ ചെയ്തു. വിവിധ കേസുകളിലായി 2242 പേരെ അറസ്റ്റ് ചെയ്തു. 760 വാഹനങ്ങള്‍ കസ്റ്റഡിയില്‍ എടുത്തു.
