കോയമ്പത്തൂരിൽ കാറിൽ ലോറി ഇടിച്ച് അപകടം; രണ്ട് മാസം പ്രായമായ കുഞ്ഞുൾപ്പെടെ മൂന്ന് മലയാളികൾക്ക് ദാരുണാന്ത്യം
കോയമ്പത്തൂർ: കോയമ്പത്തൂർ എൽ. ആൻഡ്. ടി ബൈപാസിൽ കാറിൽ ലോറി ഇടിച്ച് ഒരു കുടുംബത്തിലെ മൂന്ന് പേർ മരിച്ചു. ചെങ്ങന്നൂർ സ്വദേശികളായ ജേക്കബ്, ഭാര്യാ ഷീബ ജേക്കബ്, മകളുടെ മകൻ രണ്ട് മാസം പ്രായമായ ആരോൺ എന്നിവരാണ് മരിച്ചത്. കൂടെയുണ്ടായിരുന്ന മകൾ അലീനയെ ഗുരുതര പരുക്കുകളോടെ അഭിരാമി ഹോസ്‌പിറ്റലിൽ പ്രവേശിപ്പിച്ചിട്ടുണ്ട്. വ്യാഴാഴ്ച രാവിലെയാണ് അപകടം. ഇവർ നാട്ടിൽ നിന്ന് ചെന്നൈയിലേക്ക് പോകുകയായിരുന്നു. മൃതദേഹങ്ങൾ കോയമ്പത്തൂർ മെഡിക്കൽ കോളജ് ആശുപത്രിയിലേക്ക് മാറ്റി.
