ഏഴ് ചാക്ക് നിരോധിത പുകയില ഉല്‍പ്പന്നങ്ങളുമായി കാസർകോട് നെല്ലിക്കുന്ന് സ്വദേശി അറസ്റ്റിൽ
കാസർകോട്: വാഹനത്തിൽ കടത്തുകയായിരുന്ന ഏഴ് ചാക്ക് നിരോധിത പുകയില ഉല്‌പന്നങ്ങളുമായി യുവാവിനെ പൊലീസ് പിടികൂടി. കാസർകോട് നെല്ലിക്കുന്ന് സ്വദേശി പാദൂർ ഹൗസിൽ ഉമറുൾ ഫാറൂഖിനെ (35)യാണ് ചന്തേര എസ്.ഐ കെപി സതീശനും സംഘവും പിടികൂടിയത്. വ്യാഴാഴ്‌ച രാത്രി ഒമ്പത് മണിയോടെ ദേശീയപാതയിൽ കാലിക്കടവിൽ വാഹന പരിശോധനക്കിടെയാണ് പുകയില ഉൽപന്നം പിടികൂടിയത്. കാസർകോട് ഭാഗത്ത് നിന്നും കണ്ണൂരിലേക്ക് എയ്‌സ് മിനിലോറിയിൽ ഏഴ് ചാക്കുകളിലായാണ് നിരോധിത പുകയില ഉൽപന്നങ്ങൾ കടത്താൻ ശ്രമിച്ചത്.
