കാസര്‍കോട്: കാസര്‍കോട് റെയിൽവേ സ്റ്റേഷന് സമീപം തളങ്കര വില്ലേജിലെ ഹാഷിം സ്ട്രീറ്റിൽ റോഡിൽ ഉപേക്ഷിക്കപ്പെട്ട നിലയിൽ തുരുമ്പെടുത്ത് ദ്രവിച്ച നിലവിലുള്ള രണ്ട് കൈത്തോക്കുകളും ആറ് തിരകളും കണ്ടെത്തി. വെള്ളിയാഴ്ച വൈകിട്ടാണ് തോക്കുകള്‍ കണ്ടെത്തിയതെന്ന് പോലീസ് പറഞ്ഞു.
റോഡിന്‍റെ അരികില്‍ കേബിളിടുന്നതിനായി കുഴി എടുക്കുന്ന തൊഴിലാളികളാണ് തോക്കുകള്‍ കണ്ടത്. കണ്ടെത്തിയ തോക്കുകൾക്ക് നല്ല പഴക്കമുണ്ട്. അടുത്ത കാലത്തതൊന്നും തോക്കുകൾ ഉപയോഗിച്ചിട്ടില്ലെന്നാണ് ലഭിക്കുന്ന സൂചന. സംഭവത്തില്‍ പൊലീസ് അന്വേഷണം ആരംഭിച്ചു.
