അനധികൃത പടക്കവിൽപ്പന; 46 പാക്കറ്റ് പടക്കങ്ങളുമായി യുവാവ് പിടിയിൽ
കാസർകോട്: അനധികൃതമായി വിൽപ്പന നടത്താൻ കൊണ്ടു പോവുകയായിരുന്ന 46 പാക്കറ്റ് പടക്കങ്ങളുമായി യുവാവ് അറസ്റ്റിൽ. കുഡ്‌ലു, ചൗക്കി, കുന്നിൽ ഹൗസിലെ സി.എം അബ്ദുൽ സമീറി(42)നെയാണ് കാസർകോട് ടൗൺ എസ്.ഐ വി.പി അഖിൽ പിടികൂടിയത്. ചൗക്കിയിൽ പട്രോളിംഗ് നടത്തുന്നതിനിടയിൽ ചാക്കുമായി നിൽക്കുകയായിരുന്നു അബ്ദുൽ സമീർ. പൊലീസ് വാഹനം കണ്ടതോടെ പരുങ്ങി നിന്ന അബ്ദുൽ സമീറിൻ്റെ കൈവശം ഉണ്ടായിരുന്ന ചാക്ക് പരിശോധിച്ചപ്പോഴാണ് പടക്കം കണ്ടെടുത്തത്.
