അനന്തുവിന്റെ ജീവനെടുത്തത് ലോട്ടറി മാഫിയ, പരാതിയുമായി ബന്ധുക്കൾ
കോഴിക്കോട് താമരശേരി സ്വദേശി അനന്തു കൃഷ്ണ ജീവനൊടുക്കിയതിന് പിന്നിൽ ലോട്ടറി മാഫിയയെന്ന് സൂചന. ആത്മഹത്യ കുറുപ്പും കണ്ടെത്തി. ”അമ്മ എന്നോട് ക്ഷമിക്കണം. അപ്പാ എല്ലാരേം നോക്കണേ. ഇവിടെ ജീവിക്കാന്‍ ആവുന്നില്ല. മറ്റൊരു ജന്മത്തില്‍ നമുക്ക് എല്ലാവര്‍ക്കും ഒരുമിച്ച് ജീവിക്കാം..” എന്നായിരുന്നു കുറിപ്പ്.
അനന്തുവിന് ചൂതാട്ട മാഫിയയുമായി സാമ്പത്തിക ഇടപാടുണ്ടായിരുന്നു. ബാധ്യത തീര്‍ക്കാത്തതിനെത്തുടര്‍ന്ന് നിരന്തരം ഭീഷണി നേരിട്ടിരുന്നതായും ആത്മഹത്യ അല്ലാതെ മറ്റൊരു വഴിയില്ലെന്ന് അനന്തു പറഞ്ഞിരുന്നെന്നും കുടുംബം പറഞ്ഞു. സംഭവത്തില്‍ പോലീസ് അന്വേഷണം ആരംഭിച്ചു.
ബന്ധുക്കൾ താമരശ്ശേരി പൊലീസിൽ പരാതി നൽകി. അനന്തുവിന്റെ മൃതദേഹം കോഴിക്കോട് മെഡിക്കല്‍ കോളേജ് ആശുപത്രിയില്‍.
