കോഴിക്കോട് വൻ ലഹരി വേട്ട: മൂന്നുപേർ പിടിയിൽ
കോഴിക്കോട്: കോഴിക്കോട് മാരക മയക്കുമരുന്നുമായി മൂന്ന് യുവാക്കൾ പിടിയിൽ. മലപ്പുറം ആതവനാട് കരിപ്പോൾ സ്വദേശികളായ പി പി അജ്മൽ, മുനവീർ കെപി, കാടാമ്പുഴ സ്വദേശി ലിബ് ലി സനാസ് എന്നിവരാണ് പിടിയിലായത്. കോഴിക്കോട് എക്സൈസ് ഇൻറലിജൻസ് വിഭാഗത്തിന് ലഭിച്ച രഹസ്യ വിവരത്തിൻറെ അടിസ്ഥാനത്തിൽ നടത്തിയ പരിശോധനയിലാണ് മെത്താംഫിറ്റമിനുമായി യുവാക്കൾ പിടിയിലാകുന്നത്. ബംഗളുരുവിൽ നിന്ന് മയക്കുമരുന്ന് എത്തിച്ച് കോഴിക്കോട്, മലപ്പുറം ജില്ലകളിൽ ചില്ലറ വിതരണം നടത്തുന്നവരാണെന്ന് ഇവർ എന്ന് എക്സൈസ് അറിയിച്ചു.
