ഉപ്പള, പാറക്കട്ടയിൽ പുലിയിറങ്ങിയതായി അഭ്യൂഹം; ജനങ്ങൾ പരിഭ്രാന്തിയിൽ, വനംവകുപ്പ് അധികൃതരും പൊലീസും സ്ഥലത്തെത്തി തെരച്ചിൽ നടത്തി
കാസർകോട്: ഉപ്പള, നയാബസാർ, പാറക്കട്ടയിൽ പുലിയിറങ്ങിയതായി അഭ്യൂഹം. വ്യാഴാഴ്‌ച രാത്രി 12 മണിയോടെയാണ് പാറക്കട്ട ഭാഗത്ത് പുലിയെ കണ്ടതായി പ്രചരണം തുടങ്ങിയത്. വിവരമറിഞ്ഞവർ വീടുകളിൽ നിന്നു പുറത്തിറങ്ങിയതോടെ ജനങ്ങൾക്കിടയിൽ ഭീതി പടരാൻ ഇടയാക്കി. ഫോറസ്റ്റ് അധികൃതരും പൊലീസും എത്തി പരിസരത്തെല്ലാം വ്യാപകമായി തെരച്ചിൽ നടത്തി. എന്നാൽ പുലിയെ കണ്ടെത്താൻ കഴിഞ്ഞില്ല. പുലിയോട് സാമ്യമുള്ള മറ്റേതെങ്കിലും ജീവിയെ ആയിരിക്കാം പാറക്കട്ടയിൽ കണ്ടതെന്നാണ് ഫോറസ്റ്റ് അധികൃതരുടെ സംശയം.
