വൊർക്കാടിയിലും മിയാപ്പദവിലും ഭണ്ഡാരക്കവർച്ച; ഹെൽമറ്റ് ധരിച്ച് മോഷ്ടാക്കൾ എത്തിയത് സ്‌കൂട്ടറിൽ
കാസർകോട്: വൊർക്കാടിയിലും മിയാപ്പദവിലും ആരാധനാലയങ്ങളിൽ നിന്നു ഭാരങ്ങൾ കവർച്ച ചെയ്തു. വൊർക്കാടി ക്രിസ്‌ത്യൻ ചർച്ചിലെ രണ്ടു ഭണ്ഡാരങ്ങളും മിയാപ്പദവ് അയ്യപ്പഭജനമന്ദിരത്തിലെ ഒരു ഭണ്ഡാരവുമാണ് കവർച്ച ചെയ്ത‌ത്. തിങ്കളാഴ്‌ച രാവിലെയാണ് സംഭവം പുറത്തറിഞ്ഞത്. ആരാധനാലയം ഭാരവാഹികൾ അറിയിച്ചത് പ്രകാരം മഞ്ചേശ്വരം പൊലീസ് സ്ഥലത്തെത്തി അന്വേഷണം ആരംഭിച്ചു. ഹെൽമറ്റ് ധരിച്ച് സ്‌കൂട്ടറിൽ എത്തിയ രണ്ടുപേരാണ് കവർച്ച നടത്തിയതെന്നു സംശയിക്കുന്നു. ചർച്ചിലെ സിസിടിവിയിൽ ഇരുവരുടെയും ദൃശ്യങ്ങൾ പതിഞ്ഞിട്ടുണ്ട്. സമീപത്തെ ഏതാനും വ്യാപാര സ്ഥാപനങ്ങളിലും കവർച്ചാശ്രമം നടത്തിയതായും പരാതിയുണ്ട്.
