കുമ്പളയിൽ മൂന്ന് പിടികിട്ടാപ്പുള്ളികൾ അറസ്റ്റിൽ; പിടിയിലായത് തളങ്കര, പെർവാഡ്, ധർമ്മത്തടുക്ക സ്വദേശികൾ
കാസർകോട്: പിടികിട്ടാപ്പുള്ളികളായ മൂന്നു പേരെ കുമ്പള പൊലീസ് ഇൻസ്പെക്ടർ കെ.പി വിനോദ് കുമാർ, എസ്.ഐ കെ. ശ്രീജേഷ് എന്നിവരുടെ നേതൃത്വത്തിൽ അറസ്റ്റു ചെയ്‌തു. കുമ്പള, പെർവാഡ് കടപ്പുറത്തെ മുഹമ്മദലി, തളങ്കരയിലെ അച്ചു എന്ന അബ്ദുൽ ഹാരിഫ്, ധർമ്മത്തടുക്കയിലെ മുഹമ്മദ് അഷ്റഫ് എന്നിവരാണ് അറസ്റ്റിലായത്. അച്ചുവിനെതിരെ നരഹത്യാശ്രമത്തിനും മുഹമ്മദലി അടിപിടിക്കേസിലും മുഹമ്മദ് അഷ്റഫ് ചെക്ക് കേസിലും പ്രതിയാണെന്നു പൊലീസ് പറഞ്ഞു. പൊലീസ് സംഘത്തിൽ വിനോദ്, മഹേഷ്, വിപിൻ ചന്ദ്രൻ, ശരത്, പ്രശാന്ത് എന്നിവരും ഉണ്ടായിരുന്നു.
