കാസർകോട് യുവതിയെ കാണാനില്ലെന്ന പരാതിയിൽ പൊലീസ് അന്വേഷണം തുടങ്ങി
കാസർകോട്: കുമ്പള പൊലീസ് സ്റ്റേഷൻ പരിധിയിലെ കയ്യാർ, കുടാൽമേർക്കള റാബിയ മൻസിലിലെ ഫാത്തിമത്ത് റംല(29)യെ കാണാതായതായി പരാതി. വീട്ടുകാർ നൽകിയ പരാതിയിൽ കുമ്പള പൊലീസ് കേസെടുത്തു. അന്വേഷണം ആരംഭിച്ചിട്ടുണ്ട്. ഒക്ടോബർ 18ന് വൈകുന്നേരം മൂന്നു മണിയോടെയാണ് റംലയെ കാണാതായത്. 155 സെൻ്റീമീറ്റർ ഉയരമുള്ള ഫാത്തിമത്ത് റംലയെ കുറിച്ച് എന്തെങ്കിലും വിവരം ലഭിച്ചാൽ 9497980924, 9497987218 എന്ന നമ്പറുകളിൽ അറിയിക്കണമെന്ന് കുമ്പള പൊലീസ് അറിയിച്ചു.
