ഗൾഫിൽ നിന്നും കാണാതായ കാസർകോട് സ്വദേശിയായ ഗൃഹനാഥനെ മരിച്ച നിലയിൽ കണ്ടെത്തി
കാസർകോട്: കുവൈത്തിൽ നാലുദിവസം മുൻപു കാണാതായ ഗൃഹനാഥനെ മരിച്ച നിലയിൽ കണ്ടെത്തി കാസർകോട് മാണിയാട്ട് സ്വദേശി എ രാജനാണ് (55) മരിച്ചത്. രാജനും ഭാര്യ തൃക്കരിപ്പൂർ മീലിയാട്ടെ കെ.ഷീബയും കുവൈത്തിൽ തയ്യൽ ത്തൊഴിലാളികളാണ്. കാണാതയതിനെ തുടർന്ന് തിരച്ചിൽ നടക്കുന്നതിനിടെയാണ് ഒരു ആശുപത്രി മോർച്ചറിയിൽനിന്നു മൃതദേഹം തിരിച്ചറിഞ്ഞത്. ഹൃദയാഘാതം മൂലമാണു മരണം സംഭവിച്ചതെന്ന് അധികൃതർ പറഞ്ഞു. നടപടികൾക്ക് ശേഷം മൃതദേഹം നാട്ടിലെത്തിക്കും. കാര്യമ്പുവിൻ്റെയും വെള്ളച്ചിയുടെയും മകനാണ്. മകൻ കെ.വിഷ്‌ണു രാജ് (ഐടിഐ വിദ്യാർഥി), സഹോദരങ്ങൾ: എ.കൃഷ്‌ണൻ, കുഞ്ഞമ്പു, കാർത്യായനി, ഭാസ്‌കരൻ.
