പെണ്‍വാണിഭ സംഘം യുവതിയെ കൈമാറിയത്‌ ഇരുപതിലേറെ പേര്‍ക്ക്‌
കൊച്ചി: കൊച്ചിയില്‍ സ്‌ത്രീകള്‍ ഉള്‍പ്പെട്ട വന്‍ സെക്‌സ് റാക്കറ്റ്‌ സംഘത്തിലെ നാലുപേരെ പോലീസ്‌ കസ്‌റ്റഡയില്‍ എടുത്തു.
ബംഗ്ലാദേശില്‍ നിന്നുള്ള ഇരുപതുകാരിയാണു കൊച്ചിയില്‍ ലൈംഗിക പീഡനത്തിന്‌ ഇരയായത്‌.
എട്ടു വര്‍ഷമായി രാജ്യത്തെ ഡല്‍ഹി, കൊല്‍ക്കത്ത തുടങ്ങി വിവിധ നഗരങ്ങളില്‍ യുവതിയെ പീഡനത്തിനിരയാക്കിയെന്നാണു പരാതി. സെറീന, ജോഗിത, വിപിന്‍ തുടങ്ങിയവരാണു പിടിയിലായത്‌. മറ്റ്‌ സംസ്‌ഥാനങ്ങളുമായി ബന്ധങ്ങളുളള പെണ്‍വാണിഭ സംഘത്തിലെ അംഗമായ സെറീനയുടെ സഹായിയായ ശ്യാം എന്ന യുവാവും മറ്റൊരു സ്‌ത്രീയും പിടിക്കപ്പെട്ടവരുടെ കൂട്ടത്തിലുണ്ട്‌. നാലു പേരുടെയും ചോദ്യം ചെയ്യല്‍ പുരോഗമിക്കുകയാണ്‌. കൂടുതല്‍ പ്രതികള്‍ക്കായി അനേ്വഷണം നടക്കുകയാണെന്നു പോലീസ്‌ അറിയിച്ചു. യുവതി ഇപ്പോള്‍ പോലീസ്‌ സംരക്ഷണയിലാണ്‌.
മാതാപിതാക്കള്‍ നഷ്‌ടപ്പെട്ട പെണ്‍കുട്ടി പന്ത്രണ്ടാം വയസിലാണു ബന്ധുവിനൊപ്പം ഇന്ത്യയിലെത്തിയത്‌. ബംഗളുരുവില്‍നിന്നു കഴിഞ്ഞ ആഴ്‌ച കൊച്ചിയിലെത്തിച്ച പെണ്‍കുട്ടിയെ ഇരുപതിലേറെ പേര്‍ക്കാണ്‌ പെണ്‍വാണിഭ സംഘം കൈമാറിയത്‌.
