കീഴൂരിൽ ചൂണ്ടയിടാൻ പോയ യുവാവിനെ കാണാതായി; സ്കൂട്ടർ നിർത്തിയിട്ട നിലയിൽ
കാസർകോട്: മേൽപ്പറമ്പ്, കീഴൂർ ഹാർബറിൽ ചൂണ്ടയിടാൻ പോയ യുവാവിനെ കാണാതായി. വെള്ളത്തിൽ വീണതായിരിക്കാമെന്ന സംശയത്തിൻ്റെ അടിസ്ഥാനത്തിൽ തീരദേശ പൊലീസ് തെരച്ചിൽ ആരംഭിച്ചു. മേൽപ്പറമ്പ് എസ്.ഐ കെ. വേലായുധൻ്റെ നേതൃത്വത്തിലുള്ള പൊലീസ് സംഘവും സ്ഥലത്തെത്തിയിട്ടുണ്ട്. ചെമ്മനാട്ടെ, റിയാസിനെയാണ് കാണാതായത്. ഹാർബറിൽ സ്ഥിരമായി ചൂണ്ടയിടാൻ പോകുന്ന ആളാണ് കാണാതായ റിയാസ്. പതിവുപോലെ ശനിയാഴ്‌ചയും സ്‌കൂട്ടറുമായി ഹാർബറിലെത്തിയതായിരുന്നു. രാവിലെ 9.45 മണിയോടെയാണ് റിയാസിനെ കാണാതായ വിവരം അറിയുന്നത്. സ്‌കൂട്ടറും ബാഗും സ്ഥലത്തു കാണപ്പെട്ടു. വിവരമറിഞ്ഞ് സഹോദരനടക്കമുള്ളവർ സ്ഥലത്തെത്തി. പിന്നാലെയാണ് പൊലീസും എത്തിയത്. തെരച്ചിൽ തുടരുന്നു.
