.
കണ്ണൂർ: പറന്നു കൊണ്ടിരിക്കുന്ന വിമാനത്തിൻ്റെ വാതിൽ തുറക്കാൻ ശ്രമം. കാസർകോട്, ബോവിക്കാനം സ്വദേശിക്കെതിരെ മട്ടന്നൂർ പൊലീസ് കേസെടുത്തു. അമ്മങ്കോട് വീട്ടിൽ സുധീഷ് തുളുച്ചേരിക്കെതിരെയാണ് കേസെടുത്തത്.വെള്ളിയാഴ്‌ച രാവിലെ 11 മണിയോടെയാണ് സംഭവം. ദമാമിൽ നിന്നു കണ്ണൂർ വിമാനത്താവളത്തിലേക്കു വരികയായിരുന്ന എയർഇന്ത്യാ വിമാനത്തിലെ യാത്രക്കാരനായിരുന്ന സുധീഷ്. വിമാനത്തിൻ്റെ പുറത്തേക്കുള്ള വാതിലിൻ്റെ ഹുക്കിൽ പിടിച്ച് തുറക്കാനാണ് ശ്രമിച്ചത്. എന്നാൽ വിമാന ജീവനക്കാർ തടഞ്ഞതിനാൽ മറ്റു അനിഷ്ട സംഭവങ്ങൾ ഉണ്ടായില്ല.വിമാനം കണ്ണൂർ വിമാനത്താവളത്തിൽ ഇറങ്ങിയതോടെ എയർഇന്ത്യാ എക്‌സ് സുരക്ഷാവിഭാഗം ഉദ്യോഗസ്ഥനായ ഡെന്നിജോസഫ് എയർപോർട്ട് പൊലീസിൽ പരാതി നൽകുകയായിരുന്നു. വിമാനത്തിൻ്റെ സുരക്ഷയെ ബാധിക്കുന്ന രീതിയിൽ പെരുമാറിയെന്നാണ് പരാതി.
