ചെർക്കളയിൽ എം.ഡി.എം.എ.യുമായി യുവാവ് അറസ്റ്റിൽ
കാസർകോട്: കാറിൽ കടത്തുകയായിരുന്ന എം.ഡി.എം.എയുമായി യുവാവ് അറസ്റ്റിൽ. മുട്ടത്തൊടി, എരിയപ്പാടിയിലെ കെ.എം ജാബിർ (32) ആണ് ചെർക്കള മാർതോമാ ബധിര വിദ്യാലയത്തിന് സമീപത്ത് വെച്ച് വിദ്യാനഗർ എസ്.ഐ. വി.വി അജേഷിന്റെയും സംഘത്തിന്റെയും പിടിയിലായത്. സംശയം തോന്നി കാർ തടഞ്ഞു നിർത്തി പരിശോധിച്ചപ്പോഴാണ് മയക്കുമരുന്ന് കണ്ടെത്തിയതെന്ന് പൊലീസ് പറഞ്ഞു. പൊലീസ് സംഘത്തിൽ എ.എസ്.ഐ പ്രസാദ്, സിവിൽ പൊലീസ് ഓഫീസർമാരായ രതീഷ്, ബൈജു എന്നിവരും ഉണ്ടായിരുന്നു.
