ആശ്വാസ വാർത്ത; അടുക്കളയിൽ എന്നും വേണ്ട രണ്ട് സാധനങ്ങളുടെ വില കുറച്ചു
തിരുവനന്തപുരം: രണ്ട് അടുക്കള സാധനങ്ങളുടെ വില കുറച്ച് സപ്ലൈകോ. വെളിച്ചെണ്ണ, മുളക് വിലയാണ് കുറച്ചത്. വെളിച്ചെണ്ണ വിലയിൽ നിന്ന് ഒൻപത് രൂപയും മുളക് വിലയിൽ നിന്ന് ഏഴ് രൂപയുമാണ് കുറച്ചിരിക്കുന്നത്.
പൊതുവിപണിയിൽ വെളിച്ചെണ്ണ, മുളക് വിലയിൽ കുറവ് വന്നതോടെയാണ് സപ്ലൈകോയും വില കുറച്ചത്. ഇതോടെ ഒരു ലിറ്റർ വെളിച്ചെണ്ണയ്ക്ക് 136 രൂപയും അരക്കിലോ മുളകിന് 77 രൂപയുമായി. കമ്പനി ഉത്പന്നങ്ങളുടെ വിലയിലും കുറവ് വരുത്തിയിട്ടുണ്ട്.
സപ്ലൈകോയിൽ പല അവശ്യ സാധനങ്ങളും ലഭ്യമല്ലെന്ന രീതിയിൽ നേരത്തെ പരാതികളുയർന്നിരുന്നു. വിതരണക്കാർക്ക് കൃത്യമായി പണം നൽകാത്തതിനാലാണ് സപ്ലൈകോയിൽ സാധനമെത്താതിരുന്നത്. നിലവിലെ വിലക്കുറവ് പ്രാബല്യത്തിൽ വന്നിട്ടുണ്ടെന്നാണ് വിവരം.
