കൊല്ലം: കൊല്ലം പള്ളിമണ് ഇളവൂരില് നിന്ന് കാണാതായ ആറുവയസുകാരി ദേവനന്ദയുടെ മൃതദേഹം ആറ്റില് നിന്ന് കണ്ടെത്തിയ സംഭവത്തില് ദുരൂഹത ആരോപിച്ച് നാട്ടുകാര്. കുട്ടിയുടെ വീട്ടില് നിന്നും ഇരുന്നൂറോളം മീറ്റര് ദൂരത്തുള്ള ആറ്റിലേക്ക് കുട്ടി തനിച്ച് വരില്ലെന്ന് നാട്ടുകാര് ആരോപിച്ചു. ഇത് സംബന്ധിച്ച് കൂടുതല് അന്വേഷണം നടത്തണമെന്നും നാട്ടുകാര് ആവശ്യപ്പെട്ടു. സംഭവത്തില് എല്ലാ വശങ്ങളും അന്വേഷിക്കുമെന്ന് കൊല്ലം സിറ്റി പൊലീസ് കമ്മീഷണര് പറഞ്ഞ . ദുരൂഹതയുണ്ടെന്ന ആരോപണങ്ങളും പരിശോധിക്കുമെന്ന് പൊലീസ് കമ്മീഷണര് അറിയിച്ചു.
സംഭവത്തില് ദുരൂഹതയുണ്ടെന്ന് പഞ്ചായത്ത് അംഗം ഉഷയും പ്രതികരിച്ചിരുന്നു . എന്നാല്, ദുരൂഹത ആരോപിക്കാന് ഇപ്പോള് കഴിയില്ലെന്നും പോസ്റ്റുമോര്ട്ടം ഉടന് നടത്തുമെന്നും ജില്ലാ കളക്ടര് ബി അബ്ദുള് നാസര് പറഞ്ഞു.പള്ളിമണ് ഇളവൂര് സ്വദേശികളായ പ്രദീപ് – ധന്യ ദമ്ബതികളുടെ മകളാണ് കാണാതായ ദേവനന്ദ. ഇന്നലെ രാവിലെ വീട്ടില് കളിക്കുന്നതിനിടെ കുട്ടിയെ കാണാതാവുകയായിരുന്നു . 20 മണികൂറുകള് നീണ്ട തിരച്ചിലിനൊടുവില് വീടിനോട് ചേര്ന്നുള്ള ഇത്തിക്കരയാറ്റില് നിന്നും മൃതദേഹം കണ്ടെത്തുകയായിരുന്നു.