കിടപ്പുമുറിക്കകത്ത് പിഞ്ചുകുഞ്ഞ് കുടുങ്ങി;രക്ഷകരായത് ഫയർഫോഴ്സ്

കിടപ്പുമുറിക്കകത്ത് പിഞ്ചുകുഞ്ഞ് കുടുങ്ങി;രക്ഷകരായത് ഫയർഫോഴ്സ്

കാസർകോട്: വീട്ടിലെ കിടപ്പു മുറിയിൽ കുടുങ്ങിയ പിഞ്ചു കുഞ്ഞിനു രക്ഷകരായി
ഫയർഫോഴ്സ്. ഉപ്പള കോടിബയലിലെ ഒരു വീട്ടിൽ വെള്ളിയാഴ്ച വൈകിട്ട് 3.45 ഓടെയാണ് സംഭവം. മുറിക്കകത്തു കയറിയ കുഞ്ഞ് അറിയാതെ അകത്തുനിന്നു വാതിലിന്റെ പൂട്ട് ഇടുകയായിരുന്നു. അകത്തു കുടുങ്ങി പുറത്തിറങ്ങാൻ കഴിയാതെ കുഞ്ഞ് നിലവിളിച്ചതോടെയാണ് സംഭവം വീട്ടുകാർ അറിയുന്നത്. എത്ര ശ്രമിച്ചിട്ടും വാതിൽ തുറക്കാൻ വീട്ടുകാർക്ക് കഴിഞ്ഞില്ല. തുടർന്ന് ഫയർഫോഴ്സിനെ വിവരം അറിയിക്കുകയായിരുന്നു. സ്റ്റേഷൻ ഓഫീസർ സിപി രാജേഷിന്റെ നേതൃത്വത്തിലെത്തിയ ഫയർഫോഴ്സ് വാതിലിലെ പൂട്ട് അഴിച്ചു മാറ്റി കുട്ടിയെ പുറത്തെത്തിച്ചു.