ചാരിറ്റി മാത്രമല്ല അല്പം കുസൃതിക്കാരൻ ആണെന്ന് തിരിച്ചറിഞ്ഞത് ഹണി ട്രാപ്പിനുള്ള വഴിയായി, ലുബ് നയുടെ ശൃംഗാരത്തിൽ വീണതോടെ പിന്നെ എല്ലാം അതിവേഗം ബഹുദൂരം; ഹണി ട്രാപ്പ് സംഘത്തെ കസ്റ്റഡിയിൽ വാങ്ങാൻ ഒരുങ്ങി പോലീസ്; നിരവധി പേർ ഇരയായിട്ടുണ്ടാകുമെന്ന് സൂചന.
കാസർകോട്: മാങ്ങാട് സ്വദേശിയെ ഹണിട്രാപ്പിൽ വീഴ്ത്തി അഞ്ചു ലക്ഷം രൂപ തട്ടിയെടുത്ത കേസിൽ അറസ്റ്റിലായ രണ്ടു യുവതികളടക്കമുള്ള ഏഴുപേരെ കോടതി റിമാന്റു ചെയ്തു. കോഴിക്കോട്, പെരുമണ്ണയിലെ പി.ഫൈസൽ (37), ഭാര്യ കുറ്റിക്കാട്ടൂർ സ്വദേശി എം.പി.റുബീന(29), കാസർകോട് ഷിറിബാഗിലുവിലെ എൻ.സിദ്ദീഖ് (48), മാങ്ങാട്ടെ ദിൽഷാദ് (40). മുട്ടത്തൊടിയിലെ നഫീസത്ത് മിസ്രിയ (40), മാങ്ങാട്ടെ അബ്ദുള്ളക്കുഞ്ഞി (32), പടന്നക്കാട്ടെ റഫീഖ് (42) എന്നിവരെ റിമാന്റ് ചെയ്തത്.
അന്വേഷണത്തിന്റെ ഭാഗമായി പ്രതികളെ കസ്റ്റഡിയിലെടുത്ത് ചോദ്യം ചെയ്യുമെന്ന് പൊലീസ് വൃത്തങ്ങൾ പറഞ്ഞു. മാങ്ങാട്, താമരക്കുഴി സ്വദേശിയായ 59 കാരനെയാണ് സംഘം ഹണിട്രാപ്പിൽ വീഴ്ത്തി അഞ്ചുലക്ഷം രൂപ തട്ടിയത്. ഗൂഗിൾപേ വഴി 10,000 രൂപയും പണമായി 4,90,000 രൂപയുമാണ് സംഘം കൈക്കലാക്കിയത്. പോലീസ് സംശയിക്കുന്നത് വെറും മാങ്ങാട്ടുകാരന് മാത്രമല്ല നിരവധി പേർ ഇവരുടെ ഹണി ട്രാപ്പിന് ഇരയായിട്ടുണ്ടാകാമെന്നും കൂടുതൽ പേർ സംഘത്തിൽ ഉണ്ടാകാം എന്നുമാണ് പോലീസ് സംശയിക്കുന്നത്. റുബീനയാണ് പരാതിക്കാരനെ ആദ്യം ഫോണിൽ ബന്ധപ്പെട്ടത്. പരാതിക്കാരൻ നിരവധി ചാരിറ്റി പ്രവർത്തനങ്ങൾ നടത്തുന്നുണ്ടെന്നും സാമ്പത്തിക സഹായങ്ങൾ ചെയ്യുന്നുണ്ടെന്നുമുള്ള വിവരങ്ങൾ യുവതിക്ക് ലഭിച്ചിരുന്നു. മാത്രമല്ല ചില്ലറ കുസൃതികളും 59 കാരന് ഉണ്ടെന്ന് മനസ്സിലാക്കിയപ്പോൾ ഹണി ട്രാപ്പിൽ പെടുത്താനുള്ള പദ്ധതി ഇവർ തയ്യാറാക്കി
ഈമാസം 23 നാണ് റുബീന വഴി ലുബ്‌ന താനൊരു വിദ്യാർത്ഥി ആണെന്നും തൻറെ പഠനം ലാപ്ടോപ് കേടായതു കാരണം മുടങ്ങിയിരിക്കുകയാണെന്നും അറിയിച്ചു മാങ്ങാട് സ്വദേശിയെ വിളിക്കുന്നത് . നിങ്ങളെ അറിയില്ലെന്ന് മാങ്ങാട് സ്വദേശി പറഞ്ഞപ്പോൾ താങ്കളുടെ നമ്പർ എന്റെ ഒരു സുഹൃത്ത് റുബീന തന്നതാണെന്നും താങ്കൾ എല്ലാവരെയും സഹായിക്കുന്ന ആളാണെന്ന് പറഞ്ഞിട്ടുണ്ടെന്നും സങ്കടം പറഞ്ഞാൽ സഹായിക്കുമെന്ന് റുബീന പറഞ്ഞതായി ലുബ്‌ന മാങ്ങാട് സ്വദേശിയെ അറിയിക്കുന്നു. പുതിയ ലാപ്ടോപ്പ് വാങ്ങിത്തരാൻ സാധിക്കില്ലെന്നും പഴയ ലാപ്ടോപ്പ് വേണമെങ്കിൽ റിപ്പയർ ചെയ്തു തരാമെന്നും മാങ്ങാട് സ്വദേശി വിദ്യാർത്ഥിനി എന്ന നിലയിൽ അഭിനയിച്ച ലുബിനെയേ അറിയിക്കുന്നു.
തുടർന്ന് കാസർകോട് പുതിയ ബസ് സ്റ്റാൻഡിൽ ഉള്ള കമ്പ്യൂട്ടർ റിപ്പയറിങ് ഷോപ്പിൽ ലാപ്ടോപ്പ് ഇരുവരും ചേർന്ന് എത്തിച്ചെങ്കിലും ഇത് റിപ്പയർ ചെയ്യാൻ സാധിക്കില്ല എന്ന് ടെക്നീഷ്യൻ അറിയിക്കുന്നു. എന്നാൽ യുവതിയുടെ ദയനീയത കണ്ടു ഒരു പുതിയ കമ്പ്യൂട്ടർ വാങ്ങിച്ചു നൽകാൻ മാങ്ങാട് സ്വദേശി തയ്യാറായി.ആപ്പിളിന്റെ കമ്പ്യൂട്ടറാണ് ലുബ്‌ന തിരഞ്ഞെടുത്തത്. ഇത്രയും വില കൂടിയ ലാപ്ടോപ്പ് വാങ്ങിച്ചു തരാൻ സാധിക്കില്ലെന്ന് മാങ്ങാട് സ്വദേശി അറിയിച്ചപ്പോൾ മംഗലാപുരത്ത് വിലകുറഞ്ഞ ലാപ്ടോപ്പ് കിട്ടുമെന്നും വാങ്ങിച്ചു തന്നാൽ താങ്കളെ ഞാൻ സുഖിപ്പിച്ചു നൽകാമെന്ന് ലുബ്‌ന മാങ്ങാട്ടുകാരനെ മോഹിപ്പിക്കുകയും ചെയ്തു. വാക്ക് ചാതുര്യം കൊണ്ട് ആരെയും കീഴ്പ്പെടുത്താനുള്ള കഴിവ് ലുബ്‌നക്ക് ഉണ്ടായിരുന്നു.
25 ന് ഉച്ചയ്ക്ക് മംഗളൂരുവിലെത്തിയ ഇരുവരും ഹോട്ടലിൽ മുറിയെടുത്ത് ലൈംഗിക ബന്ധം ഒഴിച്ചുള്ള ബാഹ്യലീലയിലേർപ്പെടുകയും തുടർന്ന് ജ്യൂസ് കുടിച്ചതിനുശേഷം ആകാം എന്ന് പറഞ്ഞ് താഴെ റസ്റ്റോറന്റിൽ എത്തുകയും ചെയ്തു. ഇവിടെ നിന്നാണ് നേരത്തെ പ്ലാൻ ചെയ്ത് പ്രകാരം രണ്ടുപേർ അവിടെ എത്തുകയും ഇതെന്റെ സഹോദരിയുടെ മകളാണ് നിങ്ങൾ എങ്ങനെയാണ് ഇവളെയും കൂട്ടി മംഗലാപുരത്ത് എത്തിയതെന് ചോദിച്ച് പ്രശ്നങ്ങളുണ്ടാക്കുന്നു. ഇതിനിടയിൽ ലുബ്‌നയേ ചോദ്യം ചെയ്യുന്നതായി ഇവർ അഭിനയിച്ചപ്പോൾ മുകളിൽ മുറിയെടുത്ത കാര്യവും തന്നെ ഇയാൾ ബലാത്സംഗം ചെയ്തു എന്നും ലുബ്‌ന പറയുകയുണ്ടായി. തുടർന്ന് മാങ്ങാട് സ്വദേശിയെ ഇവർ കാറിൽ കയറ്റുകയും കാസർഗോഡ് എത്തിക്കുകയും ചില സമയങ്ങളിൽ മാനസിക അസ്വസ്ഥത പ്രകടിപ്പിക്കുന്ന റഫീക്ക് എന്ന ആളുടെ വീട്ടിൽ കൊണ്ടുവരികയും ചെയ്തു. ഇവിടെവെച്ച് മാങ്ങാട് സ്വദേശിയെ ഇവർ എല്ലാവരും ചേർന്ന് വീണ്ടും ഭീഷണിപ്പെടുത്തി , 5 ലക്ഷം രൂപ നൽകിയാൽ സംഭവം ഒതുക്കി തീർക്കാം എന്ന് അറിയിച്ചതോടെ പതിനായിരം രൂപ ഉടൻ തന്നെ ലുബ്‌നയുടെ അക്കൗണ്ടിലേക്ക് മാങ്ങാട് സ്വദേശി ട്രാൻസ്ഫർ ചെയ്തു നൽകുകയും 26 തീയതി രാവിലെ നാലു ലക്ഷത്തി തൊണ്ണൂറായിരം രൂപ നൽകാമെന്ന് വാക്ക് നൽകുകയും അത് മാങ്ങാട് സ്വദേശി മാനഹാനി ഭയന്ന് കൃത്യമായി പാലിക്കുകയും ചെയ്തു. ഇതോടെ ലുബ്‌നയുടെ സംഘം വീണ്ടും 31 ലക്ഷം രൂപ ആവശ്യപ്പെടുകയും അത് 31 ആം തീയതിക്കകം തന്നില്ലെങ്കിൽ മംഗലാപുരത്തുനിന്ന് പകർത്തിയ ദൃശ്യങ്ങൾ വീട്ടുകാർക്കും സുഹൃത്തുക്കൾക്കും അയച്ചുകൊടുക്കുമെന്നും പറഞ്ഞ് വീണ്ടും ഭീഷണിപ്പെടുത്തി.
ഇതോടെ മാങ്ങാട് സ്വദേശി മേൽപ്പറമ്പ് പോലീസിനെ സമീപിക്കുകയും മാങ്ങാട് സ്വദേശിയുടെ പരാതിയിൽ കേസെടുത്ത് ഇൻസ്പെക്ടർ ഉത്തംദാസിൻ്റെ നേതൃത്വത്തിൽ എസ് ഐ അശോകനും സംഘവും പ്രതികളെ പിടികൂടാനുള്ള തന്ത്രം ഒരുക്കി.
മാങ്ങാട് സ്വദേശിയായ പ്രതിയെക്കൊണ്ട് പണം നൽകാമെന്ന് അറിയിച്ച് പ്രതികളെ മേൽപ്പറമ്പിലേക്ക് എത്തിക്കുകയും ഇവിടെനിന്ന് പോലീസ് സംഘം വളഞ്ഞ് ഇവരെ പിടികൂടുകയും ചെയ്തു. ഈ സമയം ദിൽഷാദ് ഓടിരക്ഷപ്പെടാൻ ശ്രമിച്ചെങ്കിലും പോലീസിന്റെ ഓട്ടത്തിനൊപ്പം എത്താൻ ദിൽഷാദിന് സാധിച്ചില്ല.
എന്നാൽ ലുബ്‌നെയും ഭർത്താവായ സിദ്ധിക്കും മേൽപ്പറമ്പിൽ എത്തിയിരുന്നില്ല. ഇവർ കളനാട് കൂളിക്കുന്നിൽ ഉണ്ടെന്ന് പോലീസിന് വിവരം ലഭിച്ചതിന്റെ അടിസ്ഥാനത്തിൽ പ്രദേശത്തെത്തി ഇവരെ പിടി കൂടുകയായിരുന്നു. പോലീസ് തങ്ങളെ പിടികൂടാൻ വരുന്ന വിവരം ലഭിച്ച ഇവർ സാധനങ്ങളുമായി കാറിൽ കയറി രക്ഷപ്പെടാനുള്ള ശ്രമത്തിനിടയിലാണ് പോലീസ് വാഹനം വട്ടം വച്ച് ഇവരെ പിടികൂടുന്നത് . തുടർന്ന് പഠനകാടിൽ നിന്നും റഫീക്കിനെയും പിടികൂടി. നേരത്തെ മംഗലാപുരത്തുനിന്ന് മാങ്ങാട് സ്വദേശിയെ എത്തിച്ച് വീടിൻറെ ഉടമ കൂടെയാണ് റഫീഖ്. ഇയാളെ ഒരു ദിവസം അവിടെ താമസിപ്പിച്ചതിന് നാല് പൊറോട്ടയും ബീഫും ആണ് പ്രതിഫലമായി നൽകിയത്. എന്നാൽ മാങ്ങാട് സ്വദേശിയെ വീട്ടിൽ വച്ച് ഭീഷണിപ്പെടുത്താൻ റഫീക്കും ഉള്ളതിനാൽ പോലീസ് പ്രതി പട്ടികയിൽ ചേർക്കുകയായിരുന്നു. ഗൂഢാലോചനയുമായോ മറ്റു കാര്യങ്ങൾക്കോ ഇയാൾക്ക് ബന്ധമില്ലെന്ന് പോലീസ് അറിയിച്ചു. പ്രതികളെ കോടതിയിൽ ഹാജരാക്കി റിമാൻഡ് ചെയ്തു .
അതേസമയം ദിൽഷാദിന്റെ നേതൃത്വത്തിൽ കോഴിക്കോടുള്ള ഒരു 60 കാരനെ കെണിയിൽ പെടുത്താനുള്ള ഒരുക്കത്തിൽ ആയിരുന്നു ഇവർ ഒന്ന് പോലീസിനെ വിവരം ലഭിച്ചിട്ടുണ്ട്. ഇയാളുമായി ഇവർ നിരന്തരം ഫോൺ വിളിക്കുകയും പ്രലോഭിക്കുകയും ചെയ്യുന്നുണ്ടായിരുന്നു.
പ്രദേശത്തുതന്നെയുള്ള മറ്റു ചിലരെയും ഇവർ ഭീഷണിപ്പെടുത്തി പണം സമ്പാദിച്ചിട്ടുണ്ട് എന്നാണ് പോലീസിന് പ്രാഥമികമായി ലഭിക്കുന്ന ചില വിവരങ്ങൾ. എന്നാൽ ഇത് തുടരന്വേഷണത്തിൽ മാത്രമേ കൃത്യമായി പറയാൻ സാധിക്കുന്നു എന്നാണ് പോലീസ് പറയുന്നത്.പ്രതികളെ മംഗളൂരു, പടന്നക്കാട് എന്നിവിടങ്ങളിലെത്തിച്ച് തെളിവെടുപ്പു നടത്താനാണ് പൊലീസിന്റെ നീക്കം.
