യുഎസിൽ വീടുകൾക്ക് നേരെ 23കാരന്റെ വെടിവയ‌്പ്പ്, ഏഴ് പേർ കൊല്ലപ്പെട്ടു
ഷിക്കാഗോ: യുഎസിൽ അക്രമിയുടെ വെടിവയ‌്പ്പിൽ ഏഴ് പേർ കൊല്ലപ്പെട്ടു. ഇല്ലിനോയിസിലെ വെസ്‌റ്റ് ഏക്കേർസ് റോഡിലെ 2200 ബ്ളോക്കിലാണ് സംഭവം. രണ്ട് വീടുകളിലുള്ളവർക്ക് നേരെയാണ് റോമിയോ നാൻസ് എന്ന അക്രമി വെടിയുതിർത്തത്. സംഭവസ്ഥലത്തിന് അടുത്ത് തന്നെയാണ് 23കാരനായ റോമിയോ താമസിക്കുന്നതെന്ന് പൊലീസ് അറിയിച്ചു.
ചുവന്ന നിറത്തിലുള്ള ടൊയോട്ട കാറിലെത്തിയ റോമിയോ നാൻസ് വീട്ടുകാർക്ക് നേരെ വെടിയുതിർക്കുകയായിരുന്നു. ഇയാളുമായി ബന്ധപ്പെട്ട് കൂടുതൽ വിവരങ്ങൾ അറിയുന്നവർ ഉടൻ ബന്ധപ്പെടണമെന്ന് പൊലീസ് അറിയിച്ചിട്ടുണ്ട്.
കഴിഞ്ഞ കുറച്ചു കാലങ്ങളായി അമേരിക്കയിൽ വെടിയേറ്റ് കൊല്ലപ്പെടുന്നവരുടെ എണ്ണം ഞെട്ടിക്കുന്നതാണ്. ഈ വർഷാരംഭത്തിലെ മാത്രം കണക്കെടുത്താൽ 875 പേരാണ് യു.എസിൽ വെടിയേറ്റ് മരിച്ചത്.
