കെ.എസ്ആർടിസി സൂപ്പർ ഫാസ്റ്റ് ബസ് നിയന്ത്രണം വിട്ട് വെയിറ്റിങ് ഷെഡ് ഇടിച്ചുതകർത്തു
കാസർകോട്: കുമളിയിൽ നിന്ന് പെർളയിലേക്ക് വരികയായിരുന്ന കെ.എസ്ആർടിസി സൂപ്പർ ഫാസ്റ്റ് ബസ് നിയന്ത്രണം വിട്ട് വെയിറ്റിങ് ഷെഡിൽ ഇടിച്ചു. അപകടത്തിൽ ഡ്രൈവർക്ക് നിസാര പരിക്ക്. ഇടിയുടെ ആഘാതത്തിൽ വെയിറ്റിങ് ഷെഡ് പൂർണമായും തകർന്നു. ബസിന്റെ മുൻഭാഗവും തകർന്നിട്ടുണ്ട്. വെള്ളിയാഴ്ച പുലർച്ചേ പടിമരുതിലാണ് അപകടം. നിയന്ത്രണം വിട്ട ബസ് വെയിറ്റിങ് ഷെഡിൽ ഇടിച്ചു നിൽക്കുകയായിരുന്നു. ബസിൽ ഏതാനും യാത്രക്കാർ മാത്രമാണ് ഉണ്ടായത്. അതിനാൽ ഭാഗ്യം കൊണ്ട് വൻ ദുരന്തം ഒഴിവായി.
