പതിനാലുകാരിയുടെ ഫോട്ടോ മോർഫ് ചെയ്ത് പ്രചരിപ്പിച്ച കേസിൽ യുവാവ് അറസ്റ്റിൽ
ഹരിപ്പാട്: പതിനാലുകാരിയുടെ ഫോട്ടോ മോർഫ് ചെയ്ത് പ്രചരിപ്പിച്ച കേസിൽ യുവാവ് അറസ്റ്റിൽ. കൊല്ലം പടിഞ്ഞാറേകല്ലട വൈകാശിയിൽ കാശിനാഥനെയാണ് (20) കരീലക്കുളങ്ങര പൊലീസ് അറസ്റ്റ് ചെയ്തത്.
ഇൻസ്റ്റഗ്രാം വഴി പരിചയപ്പെട്ട പെൺകുട്ടിയെ കബളിപ്പിച്ച് ഫോട്ടോകൾ കൈക്കലാക്കുകയും തുടർന്ന് വ്യാജ ഇൻസ്റ്റഗ്രാം ഐ.ഡിയുണ്ടാക്കി മോർഫ് ചെയ്ത് പ്രചരിപ്പിക്കുകയുമായിരുന്നു. ആലപ്പുഴ സൈബർ സെല്ലിന്റെ സഹായത്താലാണ് പ്രതിയെ പിടികൂടിയത്. കായംകുളം സബ് ഡിവിഷൻ ഓഫീസറിന്റെ മേൽനോട്ടത്തിൽ കരീലക്കുളങ്ങര എസ്.എച്ച്.ഒ ഏലിയാസ് പി.ജോർജ്ജിന്റെ നേതൃത്വത്തിൽ എസ്.ഐ ശ്രീകുമാർ, സീനിയർ സിവിൽ പൊലീസ് ഓഫീസർമാരായ സജീവ് കുമാർ, സുഭാഷ്, അനി, സിവിൽ പൊലീസ് ഓഫീസറായ പത്മദേവ് എന്നിവരടങ്ങിയ സംഘമാണ് പ്രതിയെ പിടികൂടിയത്. പ്രതിയെ റിമാൻഡ് ചെയ്തു.
