കാസർകോട് യുവതി ട്രെയിനിൽ നിന്നും വീണ് മരിച്ചു
കാസർകോട്: ബേക്കൽ പള്ളിക്കരയിൽ യുവതി ട്രെയിനിൽ നിന്നും വീണ് മരിച്ച നിലയിൽ കണ്ടെത്തി. കൽപ്പറ്റ കാവുംമന്ദം സ്വദേശി മഞ്ജു മലയിൽ വീട്ടിൽ എ.വി.ജോസഫിന്റെ മകൾ ഐശ്വര്യ ജോസഫ് (30) ആണ് മരിച്ചത്. വെള്ളിയാഴ്ച രാത്രി 9 മണിയോടെ നേത്രാവതി എക്സ്പസിൽ നിന്നും വീണതാണെന്ന് സംശയിക്കുന്നു. പള്ളിക്കര മാസ്തിഗുഡയിലാണ് യുവതിയെ വീണ് കിടക്കുന്ന നിലയിൽ കണ്ടത്. തലക്കും കൈകാലുകളിലുമടക്കം പരിക്കേറ്റ യുവതിയെ കാസർകോട് ജനറൽ ആശുപത്രിയിലെത്തിച്ചെങ്കിലും മരിച്ചിരുന്നു. നീലജീൻസ് പാന്റും ചെക്ക് ഷർട്ടുമാണ് ധരിച്ചിരുന്നത്. തൊട്ടടുത്ത് നിന്നും ലഭിച്ച ഹാൻഡ് ബാഗും ഇതിനുള്ളിലുണ്ടായിരുന്ന മണി പേഴ്സും പരിശോധിച്ചതോടെയാണ് മരിച്ച ആളെ തിരിച്ചറിഞ്ഞത്. കോഴിക്കോട്ടെ സ്വകാര്യ ഡിജിറ്റൽ സ്ഥാപനത്തിലെ ഹ്യൂമൻ റിസോർസ് മാനേജരായി ജോലി ചെയ്തു വരികയായിരുന്നു. ജോലിയുടെ ഭാഗമായാണ് ഇവർ ഇന്നലെ മംഗളൂരുവിലേയ്ക്കു നേത്രാവതി എക്സ്പസിൽ യാത്ര ചെയ്തത്. വിവരമറിഞ്ഞ് ബന്ധുക്കൾ കാസർകോട്ടെത്തിയിട്ടുണ്ട്. മോളി എന്ന ഹേമയാണ് ഐശ്വര്യയുടെ മാതാവ്. അക്ഷ ഏക സഹോദരി
