പാറക്കുളത്തിൽ വെള്ള കാർ കണ്ടെത്തി; പരിശോധിച്ചപ്പോൾ പുരുഷന്റെ മൃതദേഹം
കോട്ടയം: പാറക്കുളത്തിൽ വീണ കാറിനുള്ളിൽ നിന്ന് മൃതദേഹം കണ്ടെത്തി. കോട്ടയം കാണക്കാരിയിലാണ് സംഭവം. കൊണ്ടുക്കാല സ്വദേശി ലിജീഷാണ് മരിച്ചത്. പ്രദേശവാസികളാണ് പാറക്കുളത്തിൽ കാറിന്റെ ഭാഗം കണ്ടെത്തിയത്. ഇതിനകത്ത് ആളുണ്ടെന്നൊന്നും അവർക്ക് മനസിലായില്ല.
തുടർന്ന് നാട്ടുകാർ പൊലീസിനെയും ഫയർഫോഴ്സിനെയും വിവരമറിയിക്കുകയായിരുന്നു. ഉദ്യോഗസ്ഥർ സ്ഥലത്തെത്തി കാർ പുറത്തെടുത്തതോടെയാണ് മൃതദേഹം കണ്ടെത്തിയത്. രാത്രി ഇതിലേ പോയപ്പോൾ നിയന്ത്രണം തെറ്റിയോ വഴിയറിയാതെയോ കാർ പാറക്കുളത്തിൽ പതിച്ചതാകാമെന്നാണ് പൊലീസ് സംശയിക്കുന്നത്. സംഭവത്തിൽ പൊലീസ് അന്വേഷണം തുടങ്ങി.
