ബേഡകത്ത് പീഡനത്തിനിരയായ പ്ലസ്ടു വിദ്യാർത്ഥിനി ഗർഭിണിയായി; യുവാവിനെതിരെ പോക്സോ കേസ്
കാസർകോട്: അടുപ്പത്തിലായ പ്ലസ്ടു വിദ്യാർത്ഥിനിയെ പീഡിപ്പിച്ച് ഗർഭിണിയാക്കിയ യുവാവിനെതിരെ പോക്സോ പ്രകാരം കേസെടുത്തു. ബേഡകം പൊലീസ് സ്റ്റേഷൻ പരിധിയിലെ 17 കാരിയുടെ പരാതിയിലാണ് തളങ്കരയിലെ ഷിഹാബിനെതിരെയാണ് കേസെടുത്തത്. നേരത്തെ ബന്ധുവീട്ടിൽ നടന്ന ഒരു പരിപാടിക്കിടയിലാണ് പെൺകുട്ടിയും ശിഹാബും പരിചയത്തിലായതെന്നു പറയുന്നു. അതിനുശേഷം സോഷ്യൽ മീഡിയയിലൂടെ ബന്ധപ്പെടുകയും പ്രണയത്തിലാവുകയുമായിരുന്നു. പിന്നാലെ കഴിഞ്ഞ മാസം പെൺകുട്ടിയുടെ വീട്ടിലെത്തുകയും പീഡിപ്പിക്കുകയുമായിരുന്നുവെന്നു പറയുന്നു. ഇക്കാര്യം പെൺകുട്ടി ആരോടും പറഞ്ഞിരുന്നില്ല. എന്നാൽ കടുത്ത വയറുവേദനയെ തുടർന്ന് ആശുപത്രിയിലെത്തി പരിശോധനയ്ക്ക് വിധേയമായപ്പോഴാണ് ഗർഭിണിയാണെന്നു വ്യക്തമായത്. ആശുപത്രി അധികൃതർ അറിയിച്ചതിനെ തുടർന്നാണ് ശിഹാബിനെതിരെ ബേഡകം പൊലീസ് പോക്സോ കേസെടുത്തത്.
