ബേക്കൽ ടൗണിൽ ബൈക്കും കാറും ഓട്ടോയും കൂട്ടിയിടിച്ച് അപകടം; കോളജ് വിദ്യാർഥി മരിച്ചു
കാസർകോട്: ബേക്കൽ ടൗണിൽ ബൈക്കും കാറും ഓട്ടോയും കൂട്ടിയിടിച്ച് യുവാവ് മരിച്ചു. ചെമ്മനാട് കോളിയടുക്കം സ്വദേശി മുഹമ്മദ് അഷ്റഫിന്റെ മകൻ സർഫ്രാസുൽ അമാനാണ് (20) മരിച്ചത്. തിങ്കളാഴ്ച്ച ഉച്ചയ്ക്ക് പന്ത്രണ്ടരയോടെയാണ് അപകടം. കാർ ബൈക്കിലിടിച്ച ശേഷം ഓട്ടോയിലും ഇടിച്ചു. നിയന്ത്രണം വിട്ട ഓട്ടോ വൈദ്യുത തൂണിലിടിച്ച് മറിഞ്ഞു. അപകടത്തിൽ ഗുരുതരമായി പരിക്കേറ്റ അമാനെ മംഗളൂരു ആശുപത്രിയിലെത്തിച്ചെങ്കിലും മരിച്ചു. മംഗളൂരു പി.എ കോളേജ് വിദ്യാർത്ഥിയാണ്.
