പതിനഞ്ചുകാരിയായ മകളെ നാലു വർഷക്കാലമായി നിരന്തരം ലൈംഗിക പീഡനത്തിനിരയാക്കി;
പിതാവ് അറസ്റ്റിൽ; പിടിയിലായത് മേൽപറമ്പ് സ്വദേശി
കാസർകോട് :പതിനഞ്ചുകാരിയായ മകളെ നാലു വർഷക്കാലമായി നിരന്തരം
ലൈംഗികമായി പീഡിപ്പിച്ചു വരികയായിരുന്ന പിതാവിനെ പൊലീസ് പോക്സോ
കേസിൽ അറസ്റ്റു ചെയ്‌തു. നാൽപ്പതുകാരനാണ് മേൽപറമ്പ് പൊലീസിന്റെ
പിടിയിലായത്. ഇയാൾക്കെതിരെ ഇന്ത്യൻ ശിക്ഷാനിയമം 376, 376(2), (എഫ്), (എൻ),
376 (3), 376 (എ) (ബി), 354 (ബി), 75 (ജെ.ജെ) തുടങ്ങിയ വകുപ്പുകളാണ് ചുമത്തിയത്.
11-ാം വയസിലാണ് പെൺകുട്ടി ആദ്യമായി പീഡനത്തിന് ഇരയായത്. എന്നാൽ
ഭയം കാരണം കുട്ടി വിവരം ആരോടും പറഞ്ഞിരുന്നില്ല. കഴിഞ്ഞ ദിവസം
സ്കൂ‌ളിൽ നടന്ന കൗൺസിലിംഗിനിടയിലാണ് പെൺകുട്ടി തന്റെ ദുരനുഭവം
വ്യക്തമാക്കിയത്. വിവരം സ്‌കൂൾ അധികൃതർ മേൽപ്പറമ്പ് പൊലീസിനെ
അറിയിക്കുകയായിരുന്നു. തുടർന്നാണ് പിതാവിനെ അറസ്റ്റു ചെയ്‌തത്‌. വൈദ്യ
പരിശോധന നടത്തിയശേഷം പ്രതിയെ ഇന്നു കോടതിയിൽ ഹാജരാക്കും.
