20-കാരിയെ തട്ടിക്കൊണ്ടുപോയി കൂട്ട കൂട്ടബലാത്സംഗം ചെയ്തതായി പരാതി;
4 പേർക്കെതിരെ കേസ്, ഒരാൾ പിടിയിൽ
ബംഗളൂരു: കർണാടകയിലെ ബെല്ലാരിയിൽ കോളേജ് വിദ്യാർഥിനിയെ തട്ടിക്കൊണ്ടുപോയി കൂട്ടബലാത്സംഗം ചെയ്തതായി ആരോപണം ബെല്ലാരിയിലെ കോളേജിൽ ബി.കോം വിദ്യാർഥിനിയായ 20-കാരിയാണ് നാലുപേർ കൂട്ടബലാത്സംഗം ചെയ്തെന്ന് കാട്ടി പോലീസിൽ പരാതി നൽകിയത്. സംഭവത്തിൽ നാലുപേർക്കെതിരേ കേസെടുത്തതായും ഒരാളെ അറസ്റ്റ് ചെയ്തതായും പോലീസ് വ്യക്തമാക്കി. കോളേജിൽനിന്ന് തട്ടിക്കൊണ്ടുപോയ വിദ്യാർഥിനിയെ കൊപ്പാളിലെ ഹോട്ടൽ മുറിയിലെത്തിച്ച് ബലാത്സംഗം ചെയ്യുകയായിരുന്നു എന്നാണ് ആരോപണം. പരീക്ഷ നടക്കുന്നതിനിടെ പെൺകുട്ടിയുടെ സഹോദരനാണെന്ന് പറഞ്ഞ് പ്രതികളിലൊരാൾ കോളേജിൽ പ്രവേശിച്ചു. തുടർന്ന് ഇയാൾ കോളേജിൽനിന്ന് പെൺകുട്ടിയെ വിളിച്ചുവരുത്തി. പിന്നാലെ ബലപ്രയോഗത്തിലൂടെ ഓട്ടോയിൽ കയറ്റി കൊപ്പാളിലെ ഹോട്ടലിലേക്ക് കൊണ്ടുപോയെന്നാണ് പരാതി
