ആറ്റിങ്ങലിൽ സ്കൂൾ ബസ്സ് സ്വകാര്യ ബസ്സിലിടിച്ച് അപകടം
തിരുവനന്തപുരം: ആറ്റിങ്ങളിൽ സ്കൂൾ ബസ്സും സ്കൂൾ ബസ്സും തമ്മിൽ കൂട്ടിയിടിച്ച് അപകടം. തിരുവനന്തപുരത്തെ ബഡ്സ് സ്കൂളിന്റെ ബസ്സ് ആണ് അപകടത്തിൽ പെട്ടത്. തിങ്കളാഴ്ച്ച രാവിലെ പത്തു മണിക്കാണ് അപകടം ഉണ്ടായത്. അപകടത്തിന്‌‍റെ സിസിടിവി ദൃശ്യങ്ങൾ പുറത്തു വന്നു. സംഭവത്തിൽ നാല് പേർക്ക് പരിക്ക് പറ്റിയിട്ടുണ്ട്. ബസ്സിൽ മൂന്ന് കുട്ടികളാണ് ഉണ്ടായിരുന്നത്. അതിൽ ഒരു കുട്ടിക്ക് നിസ്സാരമായ പരിക്ക് പറ്റിയിട്ടുണ്ടെന്നാണ് സൂചന. വളവ് തിരിഞ്ഞു വരുന്നിനിടയിലാണ് അപകടം ഉണ്ടായത്. പരിക്കേറ്റ ബഡ്സ് സ്കൂൾ ഡ്രൈവർ മുദാക്കൽ സ്വദേശി ദീപു, ടീച്ചർ പൊയ്കമുക്ക് സ്വദേശി സുനിത എന്നിവരെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ബസ് ഡ്രൈവർക്കും നിസാരമായി പരിക്കേറ്റിട്ടുണ്ട്. ഇദ്ദേഹത്തെ ആറ്റിങ്ങൽ വലിയകുന്ന് താലൂക്ക് ആശുപത്രിയിൽ പ്രവേശിപ്പിച്ചു.
