വാഹനം സൈഡ് നല്‍കിയില്ല… തൃശ്ശൂരില്‍ സ്‌കൂള്‍ വാന്‍ ഡ്രൈവറെ കുട്ടികള്‍ക്ക് മുന്നിലിട്ട് ആക്രമിച്ചു
തൃശ്ശൂര്‍ : ചിറ്റഞ്ഞൂരില്‍ സ്‌കൂള്‍ വാന്‍ ഡ്രൈവറെ കുട്ടികള്‍ക്ക് മുന്നിലിട്ട് ആക്രമിച്ചു. ചിറ്റഞ്ഞൂര്‍ സ്വദേശി കണ്ണഞ്ചേരി വീട്ടില്‍ അഖിലാണ് (28) ആക്രമിക്കപ്പെട്ടത്. ഇന്ന് രാവിലെ ചിറ്റഞ്ഞൂരില്‍ സ്‌കൂള്‍ വിദ്യാര്‍ത്ഥികളുമായി പോകുകയായിരുന്ന വാന്‍ റോഡില്‍ തടഞ്ഞ് നിര്‍ത്തിയാണ് ഡ്രൈവറായ അഖിലിനെ വലിച്ചിറക്കി ആക്രമിച്ചത്. സ്‌കൂള്‍ വാന്‍ സൈഡ് നല്‍കിയില്ലെന്നാരോപിച്ച് കാറിലെത്തിയ ചിറ്റഞ്ഞൂര്‍ സ്വദേശി പ്രദീപ് ആക്രമിക്കുകയായിരുന്നുവെന്ന് അഖില്‍ പറഞ്ഞു. കൈക്കും തോളെല്ലിനും പരിക്കേറ്റ അഖിലിനെ കുന്നംകുളം താലൂക്ക് ആശുപത്രിയില്‍ പ്രവേശിപ്പിച്ചു. കുന്നംകുളത്തെ ആംബുലന്‍സ് ഡ്രൈവര്‍ കൂടിയാണ് അഖില്‍.
