പുലർച്ചെ ഹോസ്റ്റലിൽ അതിക്രമിച്ച് കയറി പെൺകുട്ടികളുടെ കൂടെ കിടക്കാൻ ശ്രമിച്ചു; ബസിലെ ക്ലീനർ പിടിയിൽ
തൊടുപുഴ: ഹോസ്റ്റലിലെത്തി പെൺകുട്ടികൾക്കൊപ്പം കിടക്കാൻ ശ്രമിച്ച ഇരുപത്തിമൂന്നുകാരൻ പിടിയിൽ. അറക്കുളം അശോകകവല പാമ്പൂരിക്കൽ അഖിലിനെയാണ് കഞ്ഞാർ പൊലീസ് പിടികൂടിയത്. പെൺകുട്ടികൾ താമസിക്കുന്ന ട്രൈബൽ ഹോസ്റ്റലിലാണ് ഇയാൾ അതിക്രമിച്ച് കയറിയത്.
ഈ മാസം പതിനഞ്ചിന് പുലർച്ചെയായിരുന്നു സംഭവം. ഹോസ്റ്റലിലെത്തിയ ഇയാൾ പെൺകുട്ടികൾക്കൊപ്പം കിടക്കാൻ ശ്രമിച്ചു. പെൺകുട്ടികൾ ഒച്ചവച്ചതോടെ പ്രതി സ്ഥലം വിട്ടു. സിസിടിവി ദൃശ്യങ്ങളുടെ സഹായത്തോടെയാണ് യുവാവിനെ പിടികൂടിയത്.
പ്രതിക്കെതിരെ പോക്സോ വകുപ്പുകൾ പ്രകാരമാണ് കേസെടുത്തത്. അഖിൽ പൂമാല – മൂവാറ്റുപുഴ റൂട്ടിലോടുന്ന ബസിലെ ക്ലീനറാണ്. നിരവധി കേസുകളിൽ പ്രതിയാണ് ഇയാൾ എന്നാണ് റിപ്പോർട്ടുകൾ.
