കൂട്ടുകാരോടൊപ്പം പിറന്നാളാഘോഷിച്ച്‌ വീട്ടിലേക്ക് മടങ്ങുന്നതിനിടെ യുവാവ് കാറിനടിയില്‍പ്പെട്ട് മരിച്ചു
വയനാട്: പനമരം വരദൂരില്‍ കാറിനടിയില്‍പ്പെട്ട് യുവാവ് മരിച്ചു. താഴെ വരദൂര്‍ പ്രദീപിന്റെ (സമ്ബത്ത്) മകന്‍ അഖില്‍ (25) ആണ് മരിച്ചത്.
തിങ്കളാഴ്ച രാത്രി എട്ടരയോടെയായിരുന്നു അപകടം. താഴെ വരദൂര്‍ ചൗണ്ടേരി റോഡിലാണ് അപകടം. താഴെവരദൂര്‍ ടെലഫോണ്‍ എക്‌സേഞ്ചിന് സമീപത്ത് എത്തിയ കാര്‍ ചൗണ്ടേരിയിലേക്കുള്ള തെറ്റ് റോഡിലേക്ക് കടന്നതോടെ റോഡില്‍ ഉണ്ടായിരുന്ന അഖില്‍ വാഹനത്തിന് അടിയില്‍പ്പെടുകയായിരുന്നുവെന്നാണ് നാട്ടുകാര്‍ നല്‍കുന്ന വിവരം.
