ചിത്രം, വന്ദനം തുടങ്ങിയ സൂപ്പര്ഹിറ്റ് സിനിമകളുടെ നിര്മാതാവ് പി.കെ.ആര്. പിള്ള അന്തരിച്ചു
തൃശൂര്: ചിത്രം, വന്ദനം തുടങ്ങി മലയാളത്തിന് ഒരിക്കലും മറക്കാനാവാത്ത ഒരു പിടി ചിത്രങ്ങള് സമ്മാനിച്ച നിര്മാതാവ് പി കെ ആര് പിള്ള അന്തരിച്ചു.
വാര്ദ്ധക്യ സഹജമായ അസുഖങ്ങളെ തുടര്ന്ന് ചികിത്സയില് ആയിരുന്നു. തൃശ്ശൂര് പട്ടിക്കാട്ടെ വീട്ടില് ആയിരുന്നു അന്ത്യം. സംസ്കാരം നാളെ വൈകിട്ട് തൃശ്ശൂരിലെ വീട്ടില്.
ചിത്രം, വന്ദനം, കിഴക്കുണരും പക്ഷി, അമൃതംഗമയ തുടങ്ങി മലയാളം എക്കാലവും ഓര്ക്കുന്ന ഒരുപിടി ചിത്രങ്ങളാണ് ഷിര്ദ്ദിസായി ക്രിയേഷന്സ് എന്ന ബാനറില് പിറന്നത്.
മോഹന്ലാലിന്റെയും മമ്മൂട്ടിയുടെയും ഉള്പ്പെടെ ബോക്സോഫീസില് ചരിത്രം തിരുത്തിക്കുറിച്ച് മുന്നേറിയ സിനിമകളുടെ സൃഷ്ടാവ് അവസാന നാളുകളില് മരുന്നിനും ഭക്ഷണത്തിനും പോലും വകയില്ലാത്ത അവസ്ഥയിലായിരുന്നത് നേരത്തെ വാര്ത്തകളില് ഇടംനേടിയിരുന്നു