മുംബൈ എയർപോർട്ടിൽ യുവതിയുടെ ബാഗിൽ നിന്നും കോടിക്കണക്കിന് രൂപയുടെ കഞ്ചാവ് പിടിച്ചെടുത്തു
മുംബൈ: മുംബൈ എയർപോർട്ടിൽ ബാങ്കോക്കിൽ നിന്നെത്തിയ യുവതിയുടെ ബാഗിൽ നിന്നും കോടിക്കണക്കിന് രൂപയുടെ കഞ്ചാവ് പിടിച്ചെടുത്തു.ഗുജറാത്തിലെ നവസാരി സ്വദേശിയായ പാത്രിഗ്‌നാബെൻ കപാഡിയ എന്ന യുവതിയിൽ നിന്നുമാണ് 14.62 കിലോഗ്രാം കഞ്ചാവ് കണ്ടെടുത്തത്. ബാങ്കോക്കിൽ നിന്നെത്തിയ മറ്റൊരു മലയാളി യുവാവിൻ്റെ ബാഗിലും കഞ്ചാവ് കണ്ടെത്തിയതായി കസ്റ്റംസ് ഉദ്യോഗസ്ഥർ പറഞ്ഞു. സംഭവത്തിൽ രണ്ട് പേരെ പോലീസ് അറസ്റ്റ് ചെയ്‌തു. ഇവരിൽ നിന്ന് 21 കിലോഗ്രാം കഞ്ചാവാണ് കസ്റ്റംസ് ഉദ്യോഗസ്ഥർ കണ്ടെടുത്തത്.
